सङ्घीय लिम्बुवान निर्वाचनमा जाने
दमक, २३ वैशाख । पूर्वमा आन्दोलनरत सङ्घीय लिम्बुवान पार्टी नेपालले स्थानीय तहको निर्वाचनमा भाग लिने भएको छ । पार्टीले लिम्बुवान प्राप्तिका लागि निर्वाचनलाई आन्दोलनका रुपमा उपयोग गर्ने जनाएको छ । आज झापाको दमकमा पार्टीले पत्रकार सम्मेलन गरी निर्वाचनमा एकल वा मुद्दा मिल्ने अन्य दलसँग तालमेल गरी चुनाव लड्ने बताएको हो ।
पार्टी केन्द्रीय कार्यसमितिको दमकमा आज सम्पन्न बैठकका निर्णय सार्वजनिक गर्दै पार्टीका सहअध्यक्ष खगेन्द्र माखिमले निर्वाचनलाई लिम्बुवान राज्य प्राप्तिका लागि रणनीतिका साथ उपयोग गरिने बताउनुभयो । उहाँले निर्वाचनबाट नै लिम्बुवानको आन्दोलनलाई सशक्त बनाउन तथा पहिचानवादीहरुसँग मिलेर आफ्नो मुद्दा स्थापित गर्ने दाबी गर्नुभयो ।
यसैबीच बैठकले पार्टी अध्यक्ष सञ्जुहाङ पालुङ्वा र महासचिव सूर्यबहादुर माखिमलाई पार्टी हित विपरीत गतिविधि गरेको १३ बुँदे आरोप लगाउँदै पार्टीबाट निलम्बन गरेको जारी प्रेस विज्ञप्तिमा उल्लेख छ ।
सहअध्यक्ष माखिमले द्वय नेतृत्वलाई मतियार भएको आरोप लगाउँदै पार्टीको विधान बमोजिम आगामी छ महिनासम्म कारबाही गरिएको बताउनुभयो । बैठकले निर्वाचनमा अन्य दलहरुसँग तालमेल गर्न पार्टी सहअध्यक्ष माखिमको संयोजकत्वमा दीपक मेन्याङ्वो र सरस्वता सिंगक रहेको एक वार्ता टोलीसमेत गठन गरिएको जनाएको छ ।
त्यस्तै विभिन्न २५ जनालाई केन्द्रीय सदस्यमा मनोनीत गर्नुका साथै जिल्ला तहमा सङ्गठन विस्तार गर्न पूर्वका नौ जिल्लामा संयोजकसमेत तोकिएको पार्टीका प्रवक्ता केदार धिमालले बताउनुभयो ।
विसं २०७३ असोज ४ देखि ८ गतेसम्म दमकमा लिम्बुवान एकताको प्रथम महाधिवेशनले पालुङ्वालाई अध्यक्षमा चयन गरेको थियो । पालुङ्वासहित महासचिव माखिमले महाधिवेशनपछि पार्टीको जिम्मेवारी पालना नगरेको आरोप लगाएका छन् ।
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
सशस्त्र प्रहरी पर्सा द्वारा संचालीत विपद् स्वयंसेवक परिचालन विस्तारित तालिम समापन
वीरगंज । सशस्त्र प्रहरी बल नेपाल १३ नम्बर हेडक्वार्टरले संचालन गरेको “विपद् स्वयंसेवक परिचालन विस्तारित तालिम ” समापन भएको छ ।
आचार संहिता पालना नगरे नागरिकमा पत्रकारिता प्रतिको विश्वास घट्ने वक्ताहरुको चेतावनी
वीरगन्ज । पत्रकारिता क्षेत्रमा कार्यरत सञ्चारकर्मीहरूले आचारसंहिताको पालना नगरेसम्म पत्रकारिताले आर्जन गरेको विश्वास र साख गुम्ने जोखिम बढ्दै गएको बताएका छन् ।
खेलकुद
वीरगञ्ज प्रिमियर लिगको तेस्रो संस्करणको ट्रफि सार्वजनिक
वीरगन्ज । वीरगञ्जमा ‘टिम आदर्शनगर’ को आयोजनामा हुने वीरगञ्ज प्रिमियर लिगको तेस्रो संस्करण (बीपीएल–३) ट्रफी सार्वजनिक गरिएको छ ।
प्रधानमन्त्री कप क्रिकेटः सुदूरपश्चिम प्रदेशलाई हराउदै मधेस प्रदेश पाँच विकेटले विजयी
वीरगञ्ज । प्रधानमन्त्री कप एकदिवसीय राष्ट्रिय क्रिकेट प्रतियोगिताअन्तर्गत आजको खेलमा मधेस प्रदेश पाँच विकेटले विजयी भएको छ ।
तपाईको प्रतिक्रिया