पर्सामा कोरोना भाइइरसको संक्रमणबाट पोखरिया नगरपालीका वडा नं. ९ की एक १८ वर्षीय किशोरीको मृत्यु भएको छ ।  उनको मृत्यु भइसकेपछि गएिको परिक्षणमा  किशोरीमा कोरोनाभाइरसका संक्रमण पुष्टी भएको हो ।

नेपाल कम्युनिष्ट पार्टी बीरगंज महानगर कमिटीका अध्यक्ष एवं गण्डक अस्पतालका संचालक रहवर अन्सारीमा पनि कोरोना भाइरसको संक्रमण देखा परेको छ । 

जिल्ला प्रशासन कार्यालय, पर्साले साउन १९ गते बाट पर्सा जिल्ला भरि अनिश्चितकालिन निषेधाज्ञा  जारि गरेको छ  ।   बीरगन्ज महानगरभर भित्र लागु रहेको निषेधाज्ञालाई बिस्तार गरि जिल्ला भरि जारी गरेको हो ।

वयोधा अस्पतालको आइसियु कक्षमा उपचाररत एक महिलामा पनि कोरोना संक्रमणका कारण मृत्यु भएको छ  ।

पर्साको क्षेत्र नं १ बाट निर्वाचित प्रतिनिधि सभाका सदस्य प्रदीप यादवलाई कोरोना भाइरसको संक्रमण भएको छ ।

बारामा आईतवार साउन १८ गते बिहान ५ बजे देखि अनिश्चित कालिन लकडाउन गर्ने निर्णय भएको छ । जिल्ला प्रशासन कार्यालय बाराले यस्तो निर्णय गरेको हो  ।

जिल्ला संकट व्यवस्थापन केन्द्र पर्साको बैठकले बीरगंजको एक निजी अस्पताललाइ  बीरगंज हेल्थ केयर अस्पताललाई कोभिड अस्पताल बनाउनको लागि संघीय स्वास्थ्य मंत्रालयमा सिफारिश गरेको छ । 

पर्सामा १ सय ४६ जना कोरोना भाइरसका कारण संक्रमीतहरु आइसोलेशन बेड अभावमा  होम आइसोलेसनमा बसेका छन ।

बुधवार बिहान र दिउसो कोरोना भाइरसको संक्रमणका कारण मृत्यु भएका दुईजनाको शव अहिले पनि अस्पतालमै रहेको छ ।

कोरोना भाइरसको संक्रमणबाट ७१ वर्षिय अर्का एक बृद्धको ज्यान गएको छ । उहाँको उपचारको क्रममा नेशनल मेडिकल कलेजमा आज दिउसो निधन भएको हो ।

कोरोना भाइरसका संक्रमणका कारण वीरगञ्जमा थप एक जनाको ज्यान गएको छ ।

स्थानीय प्रशासनले भारतीय मजदुर ल्याएर संचालनमा ल्याएका उधोग सचालन गरेको भन्दै जगदम्बा इन्टरप्राइजेजलाई सिल गरेको छ ।

स्थानीय प्रशासनले भारतीय मजदुर ल्याएर संचालनमा ल्याएका उधोगहरु शिल गर्ने तयारी गरेको छ । पछिल्लो पटक भारतीय बीरगंजमा कोरोनाको संक्रमण समुदाय स्तरमा फैलिएपछि त्यसको स्रोत भारतीय नागरिक भएको देखिएपछि उधोगहरु शिल गर्ने तयारीमा स्थानीय प्रशासन लागेको हो

बीरगंज स्थित नारायणी अस्पतालको अस्थायी कोभिड गण्डक अस्पतालको भेन्टिलेटरमा उपचार भईरहेका बीरगंजको आदर्शनगर निवासी ६५ बर्षिय श्याम सुन्दर बगरीयाको आज विहान मृत्यु भएको छ ।

बीरगंजको गण्डकमा रहेको कोभिड अस्पतालमा उपचारको क्रममा मृत्यु भएकी १७ वर्षिया बालिकामा कोरोना संक्रमणको पुष्टि भएको छ । उनको आज दिउसो उपचारको क्रममा मृत्यु भएको थियो। 

पर्सामा स्थानीय प्रशासनले साउन १० गते बिहान ५ बजेदेखी अनिश्चितकालकालागि निषेधाज्ञा घोषणा गरेको छ । कोरोना भाइरसको संक्रमण  थप फैलन नदिन तथा यसको रोकथाम, नियन्त्रण, उपचार तथा व्यवस्थापनलाई प्रभावकारी बनाउन संक्रामक रोग ऐन, २०२० को दफा २ तथा स्थानीय प्रशासन ऐन, २०२८ को दफा ६ को उपदफा ३ बमोजिम  वीरगंज महानगरपालिका क्षेत्रभरी लागू हुने गरी निषेधाज्ञा जारी गरेको हो । 

बीरगंजमा साउन १० गते देखी अनिश्चितकालकालागि निषेधाज्ञा जारी गर्ने निर्णय भएको छ । आज जिल्ला प्रशासन कार्यालय पर्सामा बसेको बृहत् सर्बपक्षीय बैठकले यस्तो निर्णय गरेको हो । 

बीरगंजमा कोरोना भाइरसको संक्रमणबाट ८५ वर्षिया पतसिया देवीको मृत्यु भएको छ । गएको बुधवार उहाँमा श्वास प्रश्वासमा समस्या देखिएको थियो ।

पर्साको समुदाय स्तरमा फैलिएको कोरोनाभाइरसको संक्रमण रोकथामकालागि आवश्यक निर्णय लिन स्थानीय प्रशासनले शुक्रवार ११ बजेकालागि बृहत बैठक बोलाएको छ ।

प्रदेश प्रहरी कार्यालय जनकपुरधामले बीरगंजमा घुमुवाको रुपमा परिचालती केही प्रहरी कर्मचारीलाई प्रदेश मुख्यालयमा झिकाएको छ । प्रहरी आचरण बिरुद्धको गतिविधि गरेको पाइएपछि उनीहरुलाई प्रदेश कार्यालयले झिकाएको हो ।