लाल र महालक्ष्मी स्व अम्बिका सिंह शिक्षा पुरस्कारबाट पुरस्कृत

4/11/2018 गते 00 00 मा प्रकाशित 742 पटक पढिएको

बीरगंज २८ चैत ।
स्व.अम्बिका सिंह शिक्षा पुरस्कारबाट सेवा नविृत शिक्षक अरुण कुमार लाल र महालक्ष्मी शर्मा पुरस्कृत भएका छन । नेपाल राष्ट्रीय शिक्षक संगठनको १२ जिल्ला अधिवेशनको उद्धघाटन समारोहमा उनीहरु पुरस्कृत भएका हुन ।

स्व अम्बिका सिंहको २०३७ सालमा निधन भएको थियो । नेपाल राष्ट्र्रीय बिद्यापीठ मावि श्रीपुरमा अध्यापनरत रहेको बेला सिंहको निधन भएको हो । स्व.सिंहका जेष्ठ पुत्र अरविन्द कुमार सिंले परिवारका तर्फबाट आमाको स्मृतिमा पुरस्कारको ब्यवस्था गरेको बताए ।

पुरस्कृत सेवा निवृत शिक्षक अरुण कुमार लाल ०३९ साल देखी अहिलेको पर्सागढी नगरपालिकाको बढनिहारमा रहेको बिद्यालयका प्रधानाध्यापक हुन ।

उनी सेवानिवृत हुदा सो बिद्यालय श्री आमोदेवी बहुमुखी क्याम्पस भएको छ । निरन्तर शिक्षाको बिकासमा प्रतिवद्ध रुपमा लागेका लाल पुरस्कृत भएकोमा पुरस्कारको ओज समेत थप बढेको छ ।

त्यसैगरि त्रिजुद्ध बिद्यालयमा लामो समय अध्यापनरत महालक्ष्मी शर्मा प्रगतीशिल आन्दोलनको महत्वपूर्ण हस्ती पनि हुन ।

दुबै जना नगद दश/दश हजार सम्मान पत्र र दोसल्ला सहित सम्मानीत तथा पुरस्कृत भएका हुन ।
संगठनका अध्यक्ष अशोक चौधरीको अध्यक्षतामा भएको कार्यक्रममा नेपाल शिक्षक महासंघका केन्द्रीय अध्यक्ष बाबुराम थापा, नेकपा एमालेका केन्द्रीय सदस्य रामचन्द्र साह ,सासदहरु डा.पुष्पा कर्ण रेखा झा ,नेकपा एमालेका नेता चीरन्जीवी आचार्य नेकपा एमाले पर्साका संयोजक प्रभू हजरा ,नेपाल शिक्षक महासंघ पर्साका अध्यक्ष तीर्थ राज यादव,शिक्षक फोरमका हरिन्द्र चौरसिया शिक्षक संगठनका पूर्व अध्यक्ष हरिहर यादव ,अच्छेलाल साह नेपाल पत्रकार महासंघ पर्साका अध्यक्ष श्याम बन्जारा श्री नेपाल राष्ट्रीय मावि सियरहीका प्रधानाध्यापक भागवत चौधरी ,श्री दीपनारायण आर्दश माविका शिवनाथ थारु सिद्धार्थ माविका पूर्व प्रधानाध्यापक जगन्नाथ तिवारी लगायतले शुभकामना मन्तब्य ब्यक्त गरेका थिए ।

कार्यक्रममा जिल्ला भरिबाट सेवानिवृत भएका प्रधानाध्यापकहरुलाई संगठनले सम्मान गरेको थियो ।कार्यक्रमको संचालन शिक्षक नेता बिनोद गिरीले गरेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।