बीरगंज १ पुष । 
नाकाबन्दी ताका पेट्रोलीयम पर्दाथ आपूर्तीको सकस खेपेका नेपालीकालागि मोतीहारी अमलेखगंज पाइपलाईनको निर्माण बहुप्रतिक्षीत योजनाको रुपमा रहेको छ । पेट्रोलियम पदार्थको सहज आपूर्तीकालागि निर्माण हुदै गरेको यो परियोजना समयमै सम्पन्न हुन्छ की हुदैन भन्नेमा आम नेपालीको समेत चासो देखिन्छ ।

मोतीहारी बाट पाइपबाटै पेट्रोलियम पदार्थ अमलेखगंज आउने यो परियोजनाको निर्माण पछि निर्वाध रुपमा पेट्रोलियम पर्दाथको आपूर्ती बिना रोकटोक हुन्छ । परियोजना बिज्ञ शरद पौडेलका अनुसार मोतीहारीबाट सिधै पाइपलाई मार्फत तेल अमलेखगंज टंयाकीमा आउछ । 

भारत सरकारको आर्थिक सहयोगमा निर्माण भइरहेको यो परियोजना अर्तगत भारत तर्फ मोतीहारी र सक्सौल बीचको करिव ३२ किलोमिटर दुरीमा ४ किलोमिटीर मात्र पाइप ओच्छयाउने काम  बाँकी छ । नेपाल तर्फ भने पर्सा राष्ट्रीय निकुन्ज क्षेत्रको ८ किलोमिटर दुरीमा पाइपलाई बिच्छाउन बाँकी छ ।

बन क्षेत्रमा रुख कटानको प्रक्रिया अगाढि बढेकोले त्याहा पनि काम छिटै हुने छ । निकुञ्ज क्षेत्रको वतावणीय प्रभाव मूल्याकन प्रतिवेदन पास भइसकेपछि छपानको काम समेत अगाडि बढेको छ ।

पर्सा राष्ट्रीय निकुञ्जका साहाक संरक्षण अधिकृत शिव नारायण साहले बनको पाइपलाई ओच्छयाउने क्षेत्रको वतावरणीय प्रभाव मूल्याकंनको काम सकिएर रुख गणना भइरहेको बताए । उनले रुखमा छपानकालागि काम भइरहेको बताए । बनले रुख कटानको अनुमती दिने बित्तिकै नेपाल तर्फको ८ किमी पाइपलाई ओच्छयाउने काम पनि सकिने अवस्था छ । 

सार्क सदस्य राष्ट्रमा पेट्रोलियम इन्धन आपूर्तिको एकाधिकार कायम राख्न भारतले पाइपलाइन विस्तारमा जोड दिदै आएको छ । भारतले नेपाल, बंगलादेश, भुटान, श्रीलंका र म्यानमारमा पाइपलाइन विस्तारलाई उच्च प्राथमिकतामा राखेको छ । नेपालको मोतीहारी अमलेखगंज पाइपलाइन बिच्छाइएर संचालनमा आएपछि निगमकोे शत प्रतिशत तेल ढुवानी खर्च बच्छ, वर्षैदेखी चलिरहेको मिसावट र चुहावट नियन्त्रण हुम्छ ।

यसले वतावरणको पारेको प्रदुषणलाई समेत नियन्त्रण गर्छ । परियोजना बिज्ञ पौडेलका अनुसार नेपाल आयल निगमलाई भाडा बापतको रकम बच्दा त्यसको फाइदा उपभोक्तालाई पनि हुने छ । 

नेपालको लागी लजिस्टिक र पारवहनको हिसाबले पार्ईपलाईन बिस्तार गर्नु निकै पहिल्यै आवश्यक थियो ।  अहिले ५५ प्रतिशत काम सम्पन्न भएको यो परियोजना निर्माण कार्य मार्च २०१९ भित्रमा गरिसक्ने लक्ष्य रहेको बिज्ञ पौडेलले बताए ।   

मोतिहारी अमलेखगञ्ज ६९ किमि लामो पेट्रोलियम पाइपलाइन बिछ्याउने काम गत फागुनदेखि शुरु भएको हो । 
भारतीय आयल निगमको मोतिहारी डिपोबाट उच्च क्षमताको पम्पको माध्यमबाट प्रतिघण्टा दुई लाख लिटर पेट्रोल वा डिजेल नेपाल आयल निगमको अमलेखगञ्ज डिपोसम्म वितरण गर्न सक्ने क्षमताको पाइपलाइन विस्तार भइरहेको छ ।

अमलेखगंजमा डिपोमा चार वटा भण्डारण टंयाकीको मरम्मत सम्भार पनि भइरहेको छ ।  यो परियोजनाको निर्माण पछि भारतको बिभिन्न खाले सास्तीबाट मुक्त हुन पाइने र निर्वाध पेट्रोलियम पर्दाथको आपूर्ती हुन्छ भन्ने बिश्वासका साथ यो परियोजनाको निर्माण कार्य प्रति नेपालीले चासो पनि दिएका छन