बीरगंज १९ असार ।
२०५० सालमा  पर्सा जिल्लाको दोश्रो ठुलो बजार पोखरियामा स्वच्छ पिउने पानी बितरणकालागि ओभरहेड टयांकीको निर्माण भयो । सम्बिधान सभाका सदस्य रामेश्वर रौनीयार त्यसको उपभोक्ता समितिका अध्यक्ष थिए । टंयाकी निर्माण भयो बजार भरि पानी आपूर्तीकालागि पाइप ओच्छयाइयो ।

निर्माण भएको २६ वर्ष भयो पानीटंयाकी संचालनमा आएन । त्यतिवेला ८/१० लाखको लागतमा पानीटंयाकी निर्माण भएको थियो । स्वच्छ खानेपानी बितरणकालागि बनेको पानीटंयाकी आज सम्म संचालनमा नआउनु र त्यस क्षेत्रका नागरिकले पानीटंयाकीको पानी पीउन नखोज्नुले यो खाले बिकास हाम्रो आवश्यकता थियो की जर्वजस्त लादिएको हो भन्ने अन्यौलता अझै पनि छ ।

सरकारी तथ्याकं अनुसार पर्सा जिल्लाका ९६ प्रतिशत नागरिकको पिउने पानीमा पहुच रहेको छ । पर्सा जिल्लाको ठोरी गाउँपालिकाका नागरिकको पिउने पानीमा अझै पहुच छैन । पर्सा जिल्लामा पोखरिया,भिषूवा,झौवा गुठी ,अलौ,बिन्दवासीनी,परशुरामपुर बहुअर्वाभाठामा ओभरहेड टंयाकी बनीसकेको छ । तर कुनै पानी टंयाकी संचालनमा छैनन । महुवन र सेढवामा काम सम्पन्न हुन बाँकी छ ।

ठोरीको हनुमाननगर र बिजयबस्तीमा बनेको टंयाकीबाट उपभोक्ताले पानी उपभोग गरिरहेका छन । ५० साल देखी निर्माण भएका टंयाकीहरुको मरम्मत हरेक वर्ष भइरहेको छ । यस्तोमा टंयाकीहरु संचालनमा आउने अपेक्षा कमै गर्न सकिन्छ । तर खानेपानी तथा सरसफाई डिभिजन ४ का इन्जिनियर रामहित यादव भने टंयाकीहरु संचालनमा आउने दावी गर्छन । टयूवेलहरु सुक्न थाले पानीको सतह निकै तल गइरहेको छ अव धेरै ठाउबाट धारा जडानको माँग समेत आएको यादवको भनाई छ । 

पर्सा जिल्लामा ८३ हजार घर परिवार रहेका छन । त्यसमध्य अधिकांश परिवारमा खानेपानीको धारा जडान छ (चापाकल) धाराबाट पानी आउदा सम्म खानेपानी टंयाकी संचालनमा आउने छाँट देखिदैन । प्रति टंयाकी निर्माणका एक करोड सम्मको लागत परेकाmे छ । यत्रो लागतमा निर्माण भएका टंयाकीहरु एकै वर्षमा निर्माण सम्पन्न हुदैनन । यसलाई बहुवर्षिय परियोजनामा राख्ने गरिएको छ ।

निर्माण पछि पनि मरम्मत सम्भार कोष खर्च भइरहेको छ । पानीको आपूर्ती भएको छैन तर हरेक वर्ष मरम्मत खर्च भइरहेको छ । ओच्छयाएका पाइपहरुको नामोनिशान छैन । अझै पनि टंयाकी निर्माणको काम जारी नै छ । चालु आर्थिक वर्षमा पनि पर्सा जिल्लाको सुवर्णपुर,सोलखपुर,बढनीहार,मनवा ,रंगपुर र सोनवर्षामा खानेपानीको टंयाकी बन्दै छ ।

पर्सा जिल्लामा खानेपानीको टंयाकी निर्माणको लामो इतिहास नै छ । यसलाई नजिकबाट नियाल्दै आउनु भएका पूर्व निर्माण ब्यवसायी आत्मदेव उपाध्यायले बहुवर्षीय योजनामा पारेर खेलो फडको गर्ने काम गरिएको टिप्पणी गर्नुहुन्छ । 

पर्सामा बनेका ओभर हेड टंयाकीको क्षमता १ लाख लिटर रहेको  छ ।जसबाट पाँच सय घरधुरीलाई स्वाच्छ पिउने पानीको आपूर्ती हुन सक्छ । पानीटंयाकी निर्माण गर्दा पनि टयूवेलहरु सुक्छन त्यसैले पानीटंयाकी बनाउनु पर्छ भन्दै निर्माण गरिएको थियो ।

नागरिकले सिचाई माग गरेका थिए तर सरकारले पानीटंयाकी बनायो । त्यसरी बनाएको टंयाकी संचालनमा नआउदा उपभोक्ताहरुनै अन्यौलमा परेका छन । झौवागुठी खानेपानी उपभोक्ता समितिका कोषाध्यक्ष जयप्रकाश चौरसिया स्वच्छ खानेपानी आउछ भनेर बनाइयो तर आएन । हामीले सिचाईको माँग गरेका थियो चौरसियाले भने नमागेको टंयाकी बन्यो अहिले सम्म संचालनमा भने आउन सकेन । 

नागरिकलाई स्वाच्छ पिउने पानी दिने सरकारी नीति रत्तिभर पनि कार्यान्वयनमा आएको छैन । राज्याको लाखौ रुपैया खर्च भएको छ । तर त्यसको प्रतिफल उपभोग गर्नबाट नागरिक बन्चित छन । नागरिकको करबाट बनाइएका योजनाहरु संचालनमा ल्याउन नपर्ने र त्यसको जवाफदेहीतामा निर्वाह गर्न पनि नपर्ने बिचित्रको सरकार छ । बिचित्रता तोडेर नागरिक प्रति जिम्मेवार र जावफदेह बन्ने सरकारको दरकार छ ।