सशस्त्र प्रहरीलाई ठुलो सफलता ,स्रोत नखुलेको २२ लाख रुपैया सहित साह समातिए

6/4/2020 गते 00 00 मा प्रकाशित 895 पटक पढिएको

सशस्त्र प्रहरीले स्रोत खुलाउन नसकेको २२ लाख ४८ हजार नेपाली रुपैयाँ सहित बाहुदरमाई नगरपालिका– ५ भौराटार निवासी २० वर्षीय प्रकाश साहलाई पक्राउ गरेको छ ।

पर्सा जिल्लाको पश्चिमी दक्षीणी सीमावर्ती छिपहरमाई गाउँपालिकाको भिस्वाबाट ना ४३प २८०२ नम्बरको मोटरसाइकल पैसा लिएर आउदै गरेको अवस्थामा बन्जारी भन्ने ठाउँमा प्रहरीले ति युवालाई पक्राउ गरेको सशस्त्र प्रहरी पर्साका उपरिक्षक दीपेन्द्र कुंवरले बताउनु भयो ।

सशस्त्र प्रहरीका निरिक्षक हरि पराजुलीको कमाण्डमा खटिएको गस्ती टोलीले साहलाई पक्राउ गरेको हो ।

सशस्त्र प्रहरी बोर्डर आउट पोस्ट भिस्वाका सशस्त्र प्रहरी निरीक्षक हरिकुमार पराजुलीका अनुसार विशेष सूचनाको आधारमा बिहान साढे ९ बजेको समयमा चेक गर्दा ना ४३ प २८०२ नम्बरको मोटरसाइकलको ट्यांकीमा बनाइएको फल्स बटम भित्रबाट २२ लाख ४८ हजार रुपैयाँ बरामद भएको हो ।

प्रहरीले साहलाई नियन्त्रणमा लिएर चेक गर्दा २२ लाख ४८ हजार रुपैयाँ बरामद भएको हो ।

पराजुलीले साह सहित बरामद भएको पैसा आवश्यक कारवाहीकोलागि जिल्ला प्रहरी कार्यालय पर्सामा बुझाएको बताउनु भयो । हजार, पाँच सय, सय र पचासका नोट बरामद भएका छन् ।

यसैगरी, भिस्वा प्रहरीले १० लाख नगदसहित छिपहरमाई गाउँपालिका, चेरगाहा टोल निवासी लालबाबू साहलाई पक्राउ गरेको छ। मोटरसाइकलमा सवार साहबाट स्रोत नखुलेको १० लाख नगद बरामद भएको र आवश्यक कारबाईको लागि जिप्रका, पर्सा पठाइएको भिस्वा प्रहरी चौकीले जानकारी गराएको छ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।