नगरभित्रका संक्रमीतलाई होटेलमा आइसोलेटेड गर्ने पर्सागढी नगरपालिकाको निर्णय

7/31/2020 गते 00 00 मा प्रकाशित 1601 पटक पढिएको

पर्सागढी नगरपालिकाले शुक्रवार जिल्ला प्रशासन कार्यालय पर्सालाई एक पत्र लेखेर नगरभित्र कोरोना भाइरसको संक्रमण पुष्टि भएकाहरुलाई बीरगंजको होटेल कुमु प्यालेशमा आइसोलेशन गरिने जानकारी दिनु भएको ।

नगरपालिकाका प्रमुख प्रशासकीय अधिकृत शालिकराम ढकालले लेख्नु भएको पत्र अनुसार साउन १७ देखी नगरपालिका पनि अनिश्चितकालकालागि बिदा दिइएको जनाएको छ ।

पर्सागढी नगरपालिकामा ६ जनामा कोरोना संक्रमणको पुष्टि भएको छ । संक्रमण पुष्टि भएकाहरुमा धेरै स्वास्थ्यकर्मीनै रहेका छन । स्वास्थ्यकर्मी संक्रमीत भएपछि नगरपालिका भित्र रहेका स्वास्थ्यसंस्थाहरु पनि बन्द भएका छन ।

संक्रमीत छ जनालाई एउटा स्वास्थ्य संस्थामा राखिएको प्रमुख प्रशासकीय अधिकृत ढकालले बताउनु भयो । स्वास्थ्यकर्मीको पनि अभाव रहेकोले उहाँहरुलाई सार्ने तयारी गरिरहेको उहाँले जानकारी दिनु भयो । उहाँले नगरभित्र आइसोलेशन निर्माण गर्ने बिषयमा समेत छलफल भइरहेको उहाँले बताउनु भयो ।

पर्सागढी नगरपालिकाले सूचना जारी गरेर बीरगंजको होटेलमा आइसोलेशन संचालन गर्ने सूचना जारी गरे पनि जिल्ला संकट ब्यवस्थापन केन्द्रलाई भने यो बिषयमा कुनै जानकारी नदिइएको सहायक प्रमुख जिल्ला अधिकारी ललित कुमार बस्नेतले जानकारी दिनु भयो । उहाँले होटेलमा आइसोलेशन संचालनको कुनै पनि खालको अनुमती नदिइएको बताउनु भयो ।

पर्सा जिल्लामा ६२ जना संक्रमीतहरु बीरगंजको गण्डक अस्पतालमा निर्माण गरिएको अस्थायी नारायणी कोरोना अस्पतालमा भर्ना गरिएका छन ।

अन्य १ सय २६ जना अस्पताल भन्दा बहिर रहेका छन । त्यस मध्य लक्षण नदेखिएका कतिपय ब्यक्तिहरु बीरगंजका होटेलमा आफै पैसा तिरेर आइसोलेटेड भएर बसेका छन । अस्पतालमा रहेका ६२ मध्य ३६ जनामा कोरोना भाइरसको संक्रमण पछि देखिने लक्षणहरु देखिएको चिकित्सकले जनाएका छन ।