वीरगन्जमा विभिन्न तीन स्थानमा भएको रक्तदानमा १४ महिला सहित २७२ जनाले रक्तदान गरेका छन् । सशस्त्र प्रहरी बल १३ नम्बर हेडक्वाटर पर्सा र नरसिंह वृजलाल गोयल वेलफेयर सोसाईटीको संयुक्त आयोजनामा भएको रक्तदानमा ५ महिला सहित १५५ जना, वर्णवाल सेवा समिति र वर्णवाल युवक संघको आयोजनामा ५ महिला सहित ६२ जना र निखिल ज्वेलर्सको आयोजना ४ महिला सहित ५५ जना गरी २७२ जनाले रक्तदान गरेका छन् ।
सशस्त्र प्रहरी १३ नम्बर गण हेडक्वाटरका सशस्त्र प्रहरी उपरीक्षक राजेन्द्र खड्काको अध्यक्षतामा भएको कार्यक्रममा वीरगन्ज महानगरपालिकाका नगर प्रमुख विजय कुमार सरावगी, पर्साका प्रमुख जिल्ला अधिकारी आसमन तामाङ, माट्रिका आई फाउण्डेशनका मेडिकल कोअर्डिनेटर महेश सिंह धामी, व्यवस्थित वीरगन्ज अभियानका संयोजक दिलिपराज कार्की लगायतको उपस्थिति रहेको थियो ।
त्यस्तै वर्णवाल सेवा समिति र वर्णवाल युवक संघले घण्टाघरमा आयोजना गरेको कार्यक्रममा प्रदेशसभा सदस्य रागिनी वर्णवालले उदघाटन गर्नुभएको थियो । समाजका अध्यक्ष रविन्द्र कुमार वर्णवालको अध्यक्षतामा भएको कार्यक्रममा कार्यक्रम सम्पन्न भएको हो । त्यस्तै उपेन्द्र सर्राफको अध्यक्षतामा माईस्थानमा भएको रक्तदानको प्रमुख अतिथि भिजिट मधेस नेपालका संयोजक ओमप्रकाश सर्राफ रहनुभएको थियो ।
तपाईको प्रतिक्रिया