बीरगंज २८ फाल्गुन । नारीको सहभागीता, खेलकुदमा अग्रता’ भन्ने नाराको साथ वीरगंजमा हाफ म्याराथन २०१७ सम्पन्न भएको छ ।
वीरगंज जेसीज, पहल नेपाल र नयाँ नेपाल सेवा केन्द्रकोले नारीहरुको मात्र सहभागिता रहने गरि हाफ म्याराथनको आयोजना गरेको हो ।  म्याराथनमा वीरगंजका विभिन्न विद्यालयहरुको ६० जना छात्रहरुको सहभागिता रहेको थियो ।१०७ औँ अन्तराष्ट्रिय नारी दिवसको अवसर पारेर आयोजना गरिएको हाफ म्याराथनमा सेन्टजेभियर्स सेकेन्ड्री स्कुल कक्षा ७ मा पढ्ने स्नेहा महतो प्रथम, कन्या माध्यमिक विद्यालय कक्षा ७ की सुरेखा पटेल द्वितिय र कन्या माध्यमिक विद्यालय कक्षा ७ की ज्योती कुश्वाहा तितृय हुनुभएको छ  । विजेता सबैलाई डाक्टर लक्ष्मी थापा गुप्ताले ट्रफि प्रदान गर्नु भएको थियो ।  महिलालाई खेलकुदमा समेत सहभागिता गराउने उदेश्यका साथ आयोजना गरेको कार्यक्रममा वीरगंजको जि.एच.पि, डि.ए.भी, विद्यापीठ सेकेन्ड्री स्कुल, पन्नालाल मा.वि, त्रिजुद्ध मा.वि, त्रिभुवन मा.वि लगायत स्कुलका छात्रहरुको सहभागिता रहेको थियो ।
कार्यक्रममा समाजसेवी मधु राणा, उषा साह, डा. मनोज गुप्ता, डा.सुष्मा द्विवेद्वी लगायतको उपस्थिति रहेको थियो । कार्यक्रम वीरगंज जेसीजका अध्यक्ष मनिष श्रेष्ठको सभापतित्वमा सम्पन्न भएको थियो कार्यक्रमको संचालन पहलका दीलीप कार्कीले गर्नु भएको थियो ।