बीरगंज  १८   मङसीर। आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ।

पर्सा जिल्ला जगरनाथपुर गाउँपालिका पिपडारीका ४८ वर्षिया  रामरती मलाहले  बुधबार नेपाल पत्रकार महासंघ पर्साको सभाहलमा पत्रकार सम्मेलन गरि आफुले न्याय नपाएको आम संचार क्षेत्रलाई आवाज उठाइदिन आग्ह गर्नु भएको छ । 

घटना मङसीर ११ गते बुधबारको दिन रातिको करिब १२ बजे  आसपासको हो ।  म मेरो छोरा, बुहारी र नातिनी सबै सुतेको बेला जगरनाथपुर गाउँपालिका वडा नं.४ घर भएकाअतिकरिम मिया जोर जर्वजस्ती घरमा पसेको  उहाँले बताउनु भयो ।

गलत नियतले प्रबेश गर्ने मियाँलाई घर परिवारका सदस्यहरुले होहल्ला गरेर प्रतिरोध गरे पछि स्थानीयहरुको सहयोगमा प्रहरीलाई बुझाइएको थियो ।

तर भोलि पल्ट नै प्रहरीले विना कारवाही छोडेको भन्दै पीडित महिलाले पत्रकार सम्मेलनमा दुःखेसो पोख्नु भयो ।

गिरफ्तार गरिएका मिया सोही गाउँपालिकाका प्रमुख जालिम मिया चढने मोटरका चालक हुन । मियाले उनलाई आफनो जमानीमा भोलीपल्टै हिरासतमुक्त गराएका गराउनु भएको थियो ।

भोली पल्ट उजुरी लिएर जाँदा प्रहरीले  अतिकरिम मियालाई छोडेको थाहा पाएका पीडितले आफू अन्यायमा परेको अनुभव गर्न बाध्य भएको बताउनु भयो । 

 श्रीमान बाहिर, दुई अरु छोराहरु पनि बाहिर भएको अवस्थामा ईज्जत् लूटने, चोरी डकैत गर्ने र ज्यानमार्ने समेतको उदेश्यले आएको हुन सक्ने त्यस्तो मान्छेलाई कारवाही बिना उन्मुक्ति दिइएकोमा आफ्नो चित्त दुःखेको उहाँले बताउनु भयोे । प्रहरीले यसो गरेर कानूनी शासनको खिल्ली उडाएको उहाँले टिपपणी गर्नु भयो ।

पत्रकार सम्मेलनमा पीडित रामरति मलाह, जलेसिया देवी, फुलमति देवी लगायत ६ जना महिलाको सहभागिता रहेको थियो ।