बीरगंज  १२ भदौ   ।
सामुदायिक बिद्यालयहरुमा क्म्पुटर शिक्षा अध्यापन हुन थालेको ६ वर्ष भयो तर त्यो बिषयका शिक्षक भने बिद्यालयमा छैनन । पर्सा जिल्लाको ग्रामीण तहमा रहेका सामुदायीक बिद्यालयमा आर्थिक वर्ष ०७१/०७२ देखी नै कक्षा ४ बाट आधारभूत कम्पुटर शिक्षा लागु भएको हो । कम्पुटर शिक्षा लागु भएको ६ वर्ष कक्षा ८ सम्म कम्पुटरको अध्यापन हुन्छ तर बिद्यालयहरुमा शिक्षक भने छैनन ।

शिक्षा बिभागले कम्पुटर शिक्षालाई अनिवार्य गरेको छ ।  तर जिल्लाको कुनै पनि सामुदायीक बिद्यालयमा बिषयगत शिक्षकको रुपमा कम्पुटर अध्यापन गराउने शिक्षक भने छैनन ।

कम्पुटर शिक्षाकोलागि साविकको जिल्ला शिक्षा कार्यालय हालको शिक्षा बिकास तथा समन्वय इकाई समितिले छुट्टै दरवन्दी सृजना गरेर पठाएको छैन । न त बिभागले नै दरवन्दी सृजना गरेको छ । बिद्यालयमा कम्पुटर शिक्षा अनिवार्य छ तर बिषयगत शिक्षक छैनन । त्यसा हुदा अन्य बिषयका शिक्षकहरुले कम्पुटर शिक्षा पढाउदै आएका छन । 

सम्बन्धीत बिद्यालयको प्रधानाध्यापकको आग्रहमा अन्य शिक्षकले सैद्धान्तिक ज्ञान दिएता पनि कम्पुटरर सम्बन्धी प्रयोगात्मक कक्षा भने हुने गरेको छैन । बिद्यार्थीहरुले समेत आफूहरुले कम्पुटर कहिले चलाउन पाउने हो भनेर सोध्ने गरेको शिक्षकहरुले बताउने गरेका छन । सखुवा प्रसौनी गाउँपालिकामा रहेको श्री दीपनारायण आदर्श माविमा निजी श्रोतबाट ३ हजार रुपैया पारिश्रमी उपलब्ध गराउने गरि एक जना शिक्षकको भर्ना गरिएको प्रधानाध्यापक शिवनाथ थारुले बताए ।

अन्य बिद्यालयमा कम्पुटर शिक्षकको भर्ना भएको छैन । सय पूर्णाङकको कम्पुटर शिक्षामा पचार सैद्धान्तिक र पचास अंक प्रयोगात्मक अभ्यासकालागि छुट्ट्याइएको छ । कम्पुटर शिक्षकको अभावका कारण धेरै बिद्यालयले लिखित परिक्षा मात्र लिने गरेका छन ।

प्रयोगात्मक शिक्षा तर्फ भने सैद्धान्तिक ज्ञान दिने शिक्षकले नै उनीहरुको चाल चलन रुची प्रस्तुती बिषयबस्तु प्रतिको चाखलाई आधार मानेर नम्बर दिने गरेका छन । 

पर्सा जिल्लामा कम्पुटर शिक्षा लागु भएपछि शिक्षा बिकास तथा समन्वय इकाई,संसदीय बिकास कोष,बिभिन्न दातृ निकायहरुले बिद्यालयमा कम्पुटरहरु उपलब्ध गराएका छन । श्री नेपाल राष्ट्रीय मावि सियरही सथवलमा राम्रो कम्पुटर ल्याव समेत निर्माण भएको छ । कम्पुटर शिक्षा अध्यापन गराउदै आएका ति बिद्यालयहरुमा ५ देखी १६ वटा सम्म कम्पुटरहरु रहेका छन ।

प्रयोगात्मक कक्षाहरु नहुने गरेकोले ति कम्पुटरहरु भने थन्केका छन । बिषयगत शिक्षकको अभावमा कम्पुटर शिक्षा भने प्रभावकारी हुन नसकेको पटेर्वा सुगौली गाउँपालिकाको वडा नं २ गादीका वडाध्यक्ष बिजय गेरैले बताए । 

बिद्यालयहरुले केही कम्पुटर भने कार्यालय प्रयोजनकालागि भने चलाएका छन । कम्पुटर शिक्षा पढाउदै आएका एक शिक्षकले भने बिषयगत शिक्षकले दिने ज्ञान आफूले दिन नसक्ने बताए  । कम्पुटर शिक्षा अनिवार्य गरे लगत्तै जनशक्तिको आपूर्ती पनि गर्न सक्नु पथ्र्यो ति शिक्षकले भने  बिद्यार्थीले जे लाभ पाउने आश गरिएको थियो त्यो पाउने अवस्था र वतावरण छैन ।

स्रोत ब्यक्ति नेपालेन्दु साहले कम्पुटर अध्यापनकोलागि शिक्षकहरुलाई तालिम दिइएको बताए । तर बिषयगत शिक्षकको अभावमा प्रयोगात्मक कक्षा हुन नसकेको उनको स्वीकारोक्ति छ  । सैद्धान्तिक ज्ञान पाएका बिद्यार्थीहरुले प्रयोगात्मक शिक्षा नपाउदा कम्पुटरयन्त्रको बिषयमा अनूभूती गर्न समेत पाएका छैनन । ८ सम्म अनिवार्य रहेको कम्पुटर शिक्षा कक्षा नौमा पुगेपछि एच्छिक बिषय बनाइएको छ  ।

बिषयको छनौट गर्ने तरिका नै अवैज्ञानिक रहेको बिज्ञहरुको दावी छ ।पर्सा जिल्लामा १ देखी ८ सम्मका अधारभूत बिद्यालयहरु ३ सय ९० वटा रहेका छन । यही कक्षामा सबैभन्दा बढी बिद्यार्थीहरु हुने गरेका छन । यि कक्षामा करिव ८५ हजार छात्र छात्रा अध्ययनरत रहेका छन ।