logo

मधेश प्रदेशका चार तहमा गठबन्धन, वडाध्यक्षका उम्मेदवारको सवाल गठबन्धन हो की लठबन्धन

 इसीमाना सम्वाददाता     २०७९ बैशाख २१ गते ०४: ४२ मा प्रकाशित     544   पटक पढिएको

जनता समाजवादी पार्टीका एक जना अध्यक्ष डा. बाबुराम भट्टराईको गृहनगर पालुङटारमा पाँदलीयग गठबन्धन टुटेको छ । सहमतीमा उम्मेदवारको टुङ्गो नलागेपछि नेपाली कांग्रेसले पत्र लेखेर आफना सबै उम्मेदवारलाई जिताउने गरी अभियान संचालनमा सरिक हुन पार्टी कार्यकर्तालाई निर्देशित गरेको छ ।

 


त्याहा नेपाली कांग्रेस र जसपामा मात्र गठबन्धन थियो तर वडा तह सम्म मिलाएर उम्मेदवारी दिन नसक्दा गठबन्धन टुटेको हो । कांग्रेस जिल्ला सभापति नन्दप्रसाद न्यौपानेले नेता कार्यकर्ताहरुको राय अनुसार दुबै दल स्वस्थ र मित्रवत् निर्वाचानमा जान तयार रहेको बताए ।


मधेश पदेशको गठबन्धनको लिला पालुङटारको भन्दा फरक छैन । मधेश प्रदेशका १ सय ३६ पालिकामध्ये जम्माजम्मी ४ वटामा गठबन्धन भएको छ । गठबन्धनले जनकपुर उपमहानगरमा जसपाका लालकिशोर साह, कलैया उपमहानगरमा कांग्रेसका राजेश राय यादव, जितपुरसिमरा उपमहानगरमा माओवादीका राजन पौडेल र वीरगन्ज महानगरमा जसपाकै राजेशमान सिंहलाई प्रमुखको उम्मेदवार बनाएको छ । मधेश प्रदेशमा भएको गठबन्धन यती हो । यसमा नेकपा एकिकृत समाजवादी र जनमोर्चा नामको पार्टीलाई केही पनि हात लागेको छैन ।


देशैभरि गठबन्धन भएको जम्मा २८ प्रतिशत हो । २ सय ९ पािलकामा मात्र गठबन्धन भएको छ । देशभरि ७ सय ५३ स्थानीय छन ।

कांग्रेस, माओवादी, जसपा, एकीकृत समाजवादी र राष्ट्रिय जनमोर्चाले स्थानीय तह निर्वाचनमा गठबन्धनको प्रयास गरेका हुन् । गठबन्धन भएकामा १ सय ३४ मा नेपाली कांग्रेस, ४९ मा माओवादी ,एकिकृत समाजवादीले १८ जनता समाजवादीले ४ र जनमोर्चाले ४ पालिकाको प्रमुखको नेतृत्व पाएको छ । सबैभन्द कम गठबन्धन भएको प्रदेश ने मधेश हो ।

 

मधेश प्रदेशको एकमात्र महानगर बीरगंजमा “गठबन्ध” दिनभरिको शिकार खाउ त भने कान्छा बाउको अनुहार जस्तो भएको छ । मेयर र उपमेयरमा गठबन्धन छ । ३२ वटा वडामा सेटमै आ आफ्ना उम्मेदवार छन नेपाली कांग्रेस र जसपाका । त्यतीमात्रै होइन माओवादी र एकिकृत समाजवादीले पनि आ आफ्नो तरिकले उम्मेदवारी दिएका छन ।

 

गठबन्धनको एक साता अगाडि बसेको बैठकले आन्तरिक अनुसन्धान गरेर जुन वडा वा पालिकामा जुनपार्टी बलियो देखिन्छ त्यसलाई अन्य पार्टीले सघाउने गरि निर्णय भएको थियो । २० गते त्यस बिषयमा छलफल गरि निष्कर्षमा पुग्ने गठबन्धनदलले बताएका थिए ।

त्यो समितिले आफनो प्रतिवेदन नबुझाएकोले केही निर्णय गर्न नसकेको नेकपा एकिकृत समाजवादी पार्टी पर्साका अध्यक्ष बालगोपाल थापाले बताउनु भयो । २१ गते हुदा सम्म माओवादी र एकिकृत समाजवादीले उचित सम्बोधन भएको महशुस गरेका छैनन ।

उनीहरुले आफूले केही नपाउदा आफनो मत रुख र छातामा किन हाल्ने भनेर प्रश्न उठाएका छन ।
गठबन्धनमा रहेका मेयर उपमेयरले एकिकृत रुपमा संगै घरदैलो गर्न सकेका छैनन । उपमेयर आलग मेयर अलग घरदैलोमा जनताकोमा पुग्दा जनता नै कस्तो गठबन्धन हो संगै हिड्न नमिल्ने भन्दै साउती मार्ने गरेका छन । वडा वडामा नेपाली कांग्रेस र जसपाका उम्मेदवारवीच प्रतिस्पर्धा छ ।

 

कुन वडाध्यक्षलाई लिएर घरदैलोमा जाने,मेयर उपमेयरलाई पनि कम्ता दुःख छैन । तर वडाध्यक्षहरु नै उद्देक लाग्दो अवस्थामा छन । नेताहरुले मेयर उपमेयरमा गठबन्धन गरे वडाध्यक्षलाई आफनै बुतामा लड भन्छन हामी गठबन्धनकै पार्टीका मान्छेसंग लड्नु पर्ने यो गठबन्धन हो की लठबन्धन भन्दै एक जना वडाध्यक्षका उम्मेदवार बिरक्ती पोख्छन ।

 

उनको जोड छ, हाम्रा नेताले हाम्रोलागि होइन हामी जसका बिरुद्ध लडदै छौ त्यसकै नेताकालागि भोट माग्दै छन उनले दिक्दारी पोखे । उनको प्रश्न छ सगै हिडेर जनताको वीचमा जान नसक्ने यस्तो गठबन्धनको सुत्रधार प्रति उनले दायाभाव मात्र राख्न सकिने बताए । सगै हिड्न नसक्ने गठबन्धन हुदै होइन ।

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु




सीमापारी/अन्तराष्ट्रिय

भारतमा लोकतन्त्रमाथि संकट,चुनावी निरंकुशता कायमः वी-डेम

नयाँ दिल्ली। वेराइटीज ऑफ डेमोक्रेसी (प्रजातन्त्रका विविधताहरू) नामक संस्थाको लोकतन्त्र रिपोर्ट २०२४ अनुसार, भारतमा अझै पनि विभिन्न सूचकहरूमा कम अंकको साथ चुनावी निरंकुशता कायम छ।

भारतमा मिडीयामाथि “बेशर्म हमला”लोकतन्त्रकोलागि राष्ट्रपति द्रौपदी मुर्मुसँग हस्तक्षेप गर्न आग्रह

बीरगंज । गत सोमबार भारतको नयाँ दिल्लीमा विभिन्न सञ्चारमाध्यमले संविधानबमोजिम अभिव्यक्ति स्वतन्त्रता, पेशा र जीविकोपार्जनको सुरक्षा सुनिश्चित गर्न राष्ट्रपति द्रौपदी मुर्मुसँग हस्तक्षेप गर्न आग्रह गरेका थिए ।

खेलकुद

जीतपुरसिमरा क्रिकेट कपको उपाधि मकवानपुरलाई, पर्सा ७ विकेटले पराजित

सिमरा । प्रथम जीतपुरसिमरा क्रिकेट कपको उपाधि मकवानपुर क्रिकेट संघले जितेको छ । जीतपुरसिमरा ४ स्थित सेज क्रिकेट मैदानमा शनिबार सम्पन्न फाइनल खेलमा पर्सा क्रिकेट संघलाई ७ विकेटले पराजित गर्दै मकवानपुरले उपाधि उचालेको हो ।

जीतपुरसिमरा क्रिकेट प्रतियोगीता, जनकपुरद्धारा भैरहवा ४८ रनले पराजित

सिमरा । जीतपुरसिमरा क्रिकेट कप प्रतियोगिता अन्तर्गत बिहीबार भएको खेलमा जनकपुर पिस फाउण्डेशन ४८ रनले बिजयी भएको छ । समूह ‘बी’ अन्तर्गतको दोस्रो खेलमा जनकपुरले खुकुरी क्रिकेट क्लब भैरहवालाई पराजित गरेको हो ।
सम्पादक

कृष्णचन्द्र लामिछाने

९८५५०२२४९७

बिरगंज १४, पर्सा

सम्पर्क

सीमाना मिडिया प्रा.लि.
बिरगंज १४, पर्सा
सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2021 Simana Media Pvt. Ltd.

Design and Development by Cyberlink Pvt. Ltd.