मधेशका मुख्यमन्त्री यादवले दिए राजीनामा,सरकार निर्माणकालागि धारा १६८(२) को बाटो खुला
जनकपुरधाम । मधेश प्रदेशको सत्ता–राजनीति फेरि एकपटक निर्णायक मोडमा पुगेको छ।
सर्वोच्च अदालतको परमादेशपछि विश्वासको मत लिन बोलाइएको प्रदेशसभा बैठकलाई सम्बोधन गर्दै मुख्यमन्त्री सरोजकुमार यादवले पदबाट राजीनामा घोषणा गरेका छन्।
विश्वासको मत प्रक्रियामा सत्तापक्षकै सांसदहरूको अनुपस्थितिले अवस्था अनिश्चित बन्दै गएपछि उनले रोष्टममै उभिएर पद त्याग्ने घोषणा गरे। बिहानका लागि बोलाइएको बैठकमा कोही नआएपछि दिउँसो २ बजेतिर सारिएको थियो।
तर बहुमत जुट्न असम्भव हुने प्रष्ट भएपछि उनले राजनीतिक नैतिकताको हवाला दिंदै पदबाट राजीनामा घोषणा गरे।
मुख्यमन्त्री यादव गत कात्तिक २३ गते संविधानको धारा १६८(३) बमोजिम नियुक्त भएका थिए।
तर उनको नियुक्ति असंवैधानिक रहेको दाबी गर्दै प्रदेशका सात दल सर्वोच्च पुगेपछि अदालतले २४ घण्टाभित्र विश्वासको मत लिन परमादेश जारी गरेको थियो।
अदालतको आदेशपछि प्रदेशसभामा बहुमत नपुग्ने देखिएपछि उनले पदबाट हट्ने निर्णय गरेका हुन्।
जनकपुरमा बसेको आजको बैठकमा विपक्षी सातै दलका सांसदहरूले बहिष्कार गर्दै सदन छाडेपछि यादवले ‘यो परिस्थितिमा पदमा रहनु उचित हुँदैन’ भन्दै राजीनामाको घोषणा गरे।
उनको राजीनामासँगै संविधानको धारा १६८(२) अनुसार नयाँ सरकार गठनको बाटो खुला भएको छ।
अब मधेश प्रदेशमा नयाँ सत्ता समीकरण बनाउन दलहरूबीच कसरत तीव्र हुने संकेत देखिएको छ। प्रदेशको राजनीतिमा यसले फेरि ठूलो तरंग ल्याएको छ।
यादवको राजीनामाले मधेश राजनीतिक यात्रामा नयाँ अध्याय सुरू भएको संकेत दिएको छ—तर त्यो अध्याय कता मोडिन्छ, अब दलहरूको रणनीतिमा निर्भर रहनेछ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया