वीरगञ्ज । पर्सा जिल्लाको वीरगञ्ज महानगरपालिका–२५ स्थित बहुवरी ड्राइपोर्ट चोकबाट एक पुरुषलाई मानवसेवा आश्रम वीरगञ्ज शाखाले सोमबार उद्धार गरेको छ।
मानसिक रूपमा कमजोर रहेर आफ्नो नाम–थर बताउन नसक्ने अन्दाजी ३५ वर्षका ती व्यक्तिलाई दिउँसो ३.१५ बजे आश्रमको टोलीले सुरक्षीत रुपमा उद्धार गरी आश्रममा लगिएको देवेश मानव सेवाले बताए।
उद्धार कार्यमा मानवसेवा आश्रम वीरगञ्जका संस्थापक अभियन्ता देवेश गुप्ता, संयोजक मुना मगर, आश्रममा सेवारत प्रहरी जवान नगेश्वर यादव तथा प्रहरी चौकी श्रीसियाका प्रहरीहरू सक्रिय रहेका थिए।
आश्रम पुर्याएपछि ती पुरुषको सरसफाइ, नुहाइ–धुहाइ गरिएको छ भने अब उनको स्वास्थ्य स्थिति डाक्टर भरत गोईतको निगरानीमा राखी आवश्यक औषधोपचार गरिने आश्रमले जनाएको छ।
आश्रमका अनुसार परिवारबारे कुनै जानकारी नपाएकाले आवश्यकीय शारीरिक तथा मानसिक उपचारपछि नै पहिचानको प्रक्रिया अघि बढाइनेछ।
तपाईको प्रतिक्रिया