पटना १९ चैत । बिहारको सीतामढी जिल्लामा कोरोना भाइरसका शंकास्पद संक्रमीतहरुको बारेमा सूचना दिने एक युवालाई पिटेर हत्या गरिएको छ । घटना सीतामढीको रुन्नीसैदपुर थाना अन्र्तगत माधौल गाउँ ३१ मार्चमा भएको हो ।
इंडिया टुडेको रिपोर्ट अनुसार मधौल गाउँका बब्लु नामाका ति युवाले गाउँमा बाहिर बाट आएका कोरोनाका संदीग्ध संक्रमीत मान्छेहरुका बारेमा स्वास्थ्यकर्मीलाई सूचना दिएकै कारण पिटेर उनको हत्या गरिएको हो ।
बब्लु ले आफनो गाउँलाई कोरोनाबाट बचाउनकालागि सर्तकताको उदाहरण दिदै प्रशासनलाई गाउँमा अन्य राज्यबाट फर्किएर आएकाहरुको बारेमा सूचना दिएका थिए । त्यही सूचना दिएकै कारण उनलाई स्थानीयले पिटेरै मारि दिए ।
रिपोर्टका अनुसार महाराष्ट्रबाट यही हप्ताको शुरुमा दुई जना मजदुर मधौल गाउँमा फर्किएका थिए ।राज्य सरकारको तर्फबाट जारी भएको निर्देशको पालना गर्दै बब्लुले गाउँमा आएका मजदुका बिषयमा स्थानीय अधिकारीलाई सूचना दिएका थिए ।
सूचनाका आधारमा स्वास्थ्य बिभागका अधिकारीको टीम कोरोना भाइरसको जाँचकालागि नमुना लिन दुर्य जना मजदुरको घरमा पुगेको थियो ।
जसले गर्दा दुईजना मजदुर रिसाएका थिए । नममुना दिएपछि पाँच जनाको टोली सहित सिधै बब्लुको घरमा पुगरे स्वास्थ्यकर्मीलाई सूचना दिएको भन्दै सात जना मिलेर नराम्रोसंग कुटपिट गरे ।
जसको कारण उनको मृत्यु भयो । हत्यामा संलग्न सातै जनालाई प्रहरीले पक्राउ गरेको छ । उनीहरु बिरुद्ध आइपीसीका बिभिन्न धारा अन्र्तगत मुद्धा दर्ता गरिएको छ । यसैवीच भारतका स्वास्थ्यमंत्री डा.हर्षवद्र्धनले कोरोना संदीग्धको बारेमा सूचना दिने युवकको हत्याको खवर निकै दुःखद भएको बताउनु भएको छ ।
उहाँले एक ट्वीट गर्दै मुस्किलको घडीमा समाज एक हुन जरुरी रहेको बताउदै उहाँले आफनो जिम्मेवारीबाट पछि नहटन उहाँले आग्रह गर्नु भएको छ ।
यो भन्दा पहिला झारखण्डमा केही मान्छेहरुलाई सुरक्षाकालागि घरमै बस्न आग्रह गर्ने एक जना पसलेलाई पिटेर हत्या गरिएको थियो ।यो घटना झारखण्डको पलामु जिल्लाको उदयपुरमा २५ मार्चमा भएको थियो ।
बिभिन्न शहरबाट मजदुरी गरेर फर्केकाहरुलाई १४ दिन क्वारेन्टाइनमा बस्नु पर्ने सरकारले निर्देश जारी गरेको छ । मजदुरबाट गाउँ फर्किएका चार जना युवाहरु घुम्दै २५ वर्षिय पसले काशी सावको दोकानमा पुगेका थिए । पसलेलले उनीहरुलाई घरमा बस्न सल्लाह मात्र के दिएका थिए । नराम्रोसंग पिटेरै मारे ।
तपाईको प्रतिक्रिया