सरकारका कारण वाचा पुरा गर्न सकेको छैनः सासंद गुप्ता

इसीमाना सम्वाददाता २०८० कार्तिक २२ गते ०६: ४५ मा प्रकाशित 304 पटक पढिएको

पोखरिया। नेकपा एमालेका केन्द्रीय सदस्य तथा प्रतिनिधि सभा सदस्य राजकुमार गुप्ताले निर्वाचनमा प्रतिवद्धता गरेको बिकास निर्माणको काम सरकारको कारणले पुरा गर्न नसकेको बताएका छन ।

पर्साको पोखरिया वडा नं. ४ मा नेकपा एमाले नगर कमिटीले दिपावली तथा छठ पर्वको अवसरमा आयोजनामा शुभकामना आदानप्रदान कार्यक्रम उनले यस्तो बताएका हुन ।

उनले जिल्लाको लागि पेश गरिएको बजेट वर्तमान सरकारले पारित नगरेको आरोप समेत लगाए ।

वर्तमान सरकार पतन भई नयाँ सरकार गठन हुने र आफुले गरेको सम्पूर्ण वाचा पुरा गर्ने उनको भनाइ छ । उनले तिहार तथा छठ पर्व सभ्यरुपले मनाउन आग्रह गरेका छन ।

नगर कमिटीका अध्यक्ष बिध्याञ्चल ठाकुरको अध्यक्षतामा भएको कार्यक्रममा अरविन्द सिंह, बिचारी यादव, जयप्रकाश थारु, नगरप्रमुख प्रदुमन चौहान, मंजुर शिव पटेल ,आलम, नेजामोदिन समानी, खलिल मियाँ, जालिम मियाँ, हरिनारायण रौनियार, वडाध्यक्ष प्रमोद गिरी, राजेश रौनियार, विश्वनाथ साह लगायतकाले शुभकामना ब्यक्त गर्नुभएको थियो ।

कार्यक्रममा उपप्रमुख रुवी ठाकुर, लक्ष्मी कुशवाहा, वडा अध्यक्षहरु महम्मद निजाम, शिक्षक संगठनका पदाधिकारी लगायतको उपस्थिती रहेको थियो ।

कार्यक्रममा स्वागत संतोष गिरी तथा संचालन विनोद गिरीले गरेका थिए ।