logo

लोककल्याणकारी विज्ञापनको भुक्तानी रोक्न पत्रकार महासंघको आग्रह, माग सम्बोधन नभए आन्दोलन गर्ने चेतावनी

      २०८३ मंसिर १ गते ०९: ४९ मा प्रकाशित     59   पटक पढिएको

काठमाडौं । नेपाल पत्रकार महासंघले छापामाध्यमका लागि प्रकाशित लोककल्याणकारी विज्ञापनको भुक्तानी तत्काल रोक्न विज्ञापन बोर्डसँग आग्रह गरेको छ ।

 

महासंघले विज्ञापन बोर्डलाई पत्राचार गर्दै छापामाध्यमका लागि लोककल्याणकारी विज्ञापन प्रकाशनसम्बन्धी पहिलो संशोधन कार्यविधि, २०८३ अस्वीकार गरेको जनाएको छ ।

 

 सरकारले देशभरका छापामाध्यमलाई आर्थिक रूपमा कमजोर बनाउने गलत मनसाय राखेर लोककल्याणकारी विज्ञापनबापतको रकममा आधारभूत रूपमा कटौती गर्ने गरी कार्यविधि कार्यान्वयनमा ल्याएको महासंघको आरोप छ ।

 

महासंघका अनुसार लोककल्याणकारी विज्ञापनको रकमसम्बन्धी प्रेस काउन्सिल नेपालको सिफारिस कार्यान्वयन नभएसम्म छापामाध्यमलाई विज्ञापन प्रकाशनबापतको बिल भुक्तानी नगर्न आग्रह गरिएको छ ।

 

महासंघले विज्ञापन बोर्डलाई पठाएको पत्रमा प्रेस काउन्सिल नेपालको सिफारिस कार्यान्वयन नगरी भुक्तानी प्रक्रिया अघि नबढाउन स्पष्ट रूपमा अनुरोध गरेको छ ।

 

महासंघका महासचिव रामप्रसाद दाहालद्वारा हस्ताक्षरित पत्रमा आफ्नो आग्रह बेवास्ता गरिए महासंघ आन्दोलनमा उत्रिन बाध्य हुने चेतावनीसमेत दिइएको छ ।

पत्रको बोधार्थ सबै जिल्ला हुलाक कार्यालयलाई समेत पठाइएको छ । लोककल्याणकारी विज्ञापनको दररेट र भुक्तानी प्रक्रियालाई लिएर पत्रकार महासंघ र विज्ञापन बोर्डबीच विवाद चर्किने संकेत देखिएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु




सीमापारी/अन्तराष्ट्रिय

पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग

वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।

भारतीय कम्युनिष्ट पार्टी माओवादीका प्रभावशाली नेता प्रशान्त बोस  ‘किशन दा’ को निधन

वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।

दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम

नयाँ दिल्ली ।  दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका  पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।

भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै

वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।

समाज

लायन्स क्लब अफ वीरगञ्ज मिलेनियम (MJF) द्वारा विपन्न परिवारलाई साडी, खाद्यान्न तथा छठ पूजा सामग्री वितरण

वीरगञ्ज । छठ पर्वको पावन अवसरमा लायन्स क्लब अफ वीरगञ्ज मिलेनियम (MJF) ले सामाजिक उत्तरदायित्व तथा मानवीय सेवाको भावनालाई आत्मसात् गर्दै ९० विपन्न तथा आर्थिक रूपमा कमजोर परिवारलाई साडी, खाद्यान्न एवं छठ पूजाका आवश्यक सामग्री वितरण गरेको छ।

ठोरी–४ विजयबस्तीमा प्रहरी भवन र स्वास्थ्य चौकीको नवनिर्मित भवन उद्घाटन

वीरगञ्ज । पर्साको ठोरी गाउँपालिका–४ विजयबस्तीमा नेपाल प्रहरीको नवनिर्मित भवन र निर्मल बस्ती स्वास्थ्य चौकीको नयाँ भवन एकै दिन उद्घाटन गरी सञ्चालनमा ल्याइएको छ।
सम्पादक

कृष्णचन्द्र लामिछाने

९८५५०२२४९७

बीरगंज १४, पर्सा

सम्पर्क

सीमाना मिडिया प्रा.लि.
बीरगंज १४, पर्सा
सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2026 Simana Media Pvt. Ltd.

Design and Development by Cyberlink Pvt. Ltd.