अस्थिरथाको जड बर्तमान प्रधानमंत्रीः कांग्रेस नेतृ संग्रौला

इसीमाना सम्वाददाता २०८० चैत १५ गते १८: २८ मा प्रकाशित 289 पटक पढिएको

चन्द्रपुर । नेपाली कांग्रेसका केन्द्रीय सदस्य डा. डिला संग्रौलाले राजनीतिक अस्थिरताको जड बर्तमान प्रधानमंत्री पुष्पकमल दाहाल भएको दावी गरेकी छिन ।

बिहिवार रौतहटको चन्द्रनिगाहपुरमा नेपाल प्रेस युनियनले आयोजना गरेको पत्रकार सम्मेलनलाई सम्बोधन गर्दै उनले यस्तो दावी गरेकी हुन ।

उनले प्रधानमन्त्री पुष्पकमल दाहालले पटक पटक कांग्रेस–एमालेलाई धोका दिएको धारणा ब्यक्त गरिन । उनले आउने दिनमा नेपाली कांग्रेसकसैग गठबन्धन नगरि चुनावमा जाने बताइन ।

नेपाली काङ्ग्रेसको रुख छापलाई मात्र कार्यकर्ता र जनताले बुझेको भन्दै प्रतिक्रियाबादीहरुको चलखेलको जनताले मुल्यांकन गर्ने बताईन ।
उनले सुन तस्करी र सहकारी पीडितलाई न्याय दिनुपर्ने र कारवाहीको दायरामा ल्याउनुपर्ने उनको जोड छ ।

उनले कांग्रेसले कसैलाई धोका नदिएको उनको तर्क छ । काँग्रेसले अब प्रतिपक्षको भुमिका सशक्त ढंगले निर्बाह गर्दै रचनात्मक कार्यमा समेत लाग्ने उनले बताइन ।

पत्रकार भेटघाटमा संचारकर्मीहरु सहित नेपाली काँग्रेस मधेश प्रदेश सदस्य सूर्य बहादूर थापा, नेपाल थारु संघका केन्द्रीय सदस्य मनोज चौधरी, नेबिसंघ जिल्ला सभापति अधिकार लामिछाने लगायत नेपाली काग्रेसका बिभिन्न तहका नेता कार्यकर्ताको उपस्थिति रहेको थियो ।