बीरगंज ३ माघ
महिलाहरुको अधिकार सुरक्षीत गर्ने बिषयमा नेपालको सम्बिधान र कानून दक्षीण एशियामै सबैभन्दा अग्रस्थानमा रहेको बिज्ञहरुको भनाई छ ।

महिलाहरुको बिषयमा नेपालमा जे सम्बैधानिक ब्यवस्था छ त्यो कम भयो भनेर पछुताउनु पर्ने अवस्था नरहेको बिज्ञहरुको ठोकुवा छ ।

नेपालको सम्बिधानको कार्यान्वयनकोलागि महिला बिरुद्धको हिंसा निवारण र महिलाको बिशेष अवसर सम्बन्धी कानूनी मस्यौदाका बिषयमा बीरगंजमा आयोजना गरिएको छलफलमा बिज्ञहरुले यस्तो बताएका हुन । छलफल बीरगंजको होटेल कुमु प्यालेसमा सम्पन्न भएको हो । 

बिज्ञहरुले लैङ्गि हिंसा नियन्त्रणकालागि कानूनको पर्याप्तता रहेको चर्चा गर्दै त्यसको कार्यान्वयनमा भने ध्यान दिनु पर्ने सुझाव दिएका थिए ।

    पर्साका प्रमुख जिल्ला अधिकारी बिनोद प्रकाश सिंहको अध्यक्षतामा भएको छलफल कार्यक्रममा नेपालको सम्बिधानको घारा ३८ को ३ र ५ मा महिला सम्बन्धी अधिकारको प्रत्याभूतीका निम्ति छलफल भएको हो ।

सम्बिधानको घारा ३८ को ३ अन्र्तगत महिला बिरुद्ध हुने हिंसालाई कस्तो दण्डनीय बनाउने र क्षतीपूर्ती दिने बिषयमा कस्तो कानूनी ब्यवस्था बनाउने भन्ने बिषयमा छलफल भएको थियो । बिषयबिज्ञका रुपमा अधिवक्ता सविन श्रेष्ठले सहभागिलाई मुलुकमा बिद्यमान कानूनी अवस्थाको बारेमा प्रकाश पारेका थिए । 

    त्यसैगरि सम्बिधानको धारा ३८ को ५ अन्र्तगत शिक्षा स्वास्थ्य र रोजगारमा महिलाहरुको ३३ प्रतिशत सभागिताको र सामाजिक सुरक्षाक सुनिश्चितता सन्दर्भमा कस्तो कानून मस्यौदा गर्ने भन्ने बिषयमा छलफल भएको थियो ।

नेपाल ल क्याम्पसका उपप्राध्यापक अधिवक्ता बिष्णु बस्यालले मस्यौदाको बिषयमा प्रकाश पारेकी थिइन ।

    कार्यक्रममा अधिवक्ता रामेश्वर सेढाई,के दर्शना झा,अभय दास,नेपाल बार एशोसिएशन पर्साका अध्यक्ष अधिवक्ता रामाशिष यादव, सावित्री कुमारी भण्डारी लगायतले मन्तब्य ब्यक्त गरेका थिए ।