बीरगंज १५ चैत ।
दाइजो प्रथाको न्यूनीकरणकोलागि काम गर्न एक प्रतिष्ठान निर्माण गरिने भएको छ । दाइजो नदिइएकै कारण हत्या गरिएकी चेलीको स्मृतिमा दाइजो बिरोधी संस्था स्थापना गर्ने काम शुरु गरिएको अभियान्ता प्रकाश थारुले बताए ।

२०१६ अक्टोवर १७ तारिखमा पर्साको धोविनी गाउँपालिका वडा नं ५ धोवीनी माइत भएकी रजीया अहमदको दाइजो नदिएकै कारण भारतको दिल्लीमा उनको हत्या भएको थियो ।

परिवारका सदस्यहरु मिलेर उनको हत्या गरेको भन्दै दिल्ली प्रहरीले अनुसन्धान गरेको छ  ।

हत्या आरोपमा रजीयाका पति प्रहरीको हिरासतमा छन । तिनै रजीयाको स्मृतिमा  फाउण्डेश बनाउन लागिएको थारुले बताए । 

फाउण्डेशनको तर्दथ समिति समेत निर्माण गरिएको उनले जानकारी दिए । फाउण्डेशनको अध्यक्षमा तवरेज अहमद सचिवमा प्रकाश थारु कोषाध्यक्षमा कविता खड्का सदस्यहरुमा के.सी.लामिछाने,महेश अर्याल निला राम, निलम पन्त बिमला गुप्ता,औरन्जेव अहमद  लगायत रहेका छन । भेलाले फाउण्डेशनको तर्दथ कार्यसमिति चयन गरेको अध्यक्ष अहमदले बताए । 

फाण्डेशनले हरेक वर्ष दाइजो दिन नसकिएकै कारण पीडित भएका एक जना महिलालाई पुरस्कृत गर्ने निर्णय गरेको छ ।

पुरस्कारको राशी अहिलेलाई दश हजारको हुनेछ । पुरस्कार हरेक वर्षको अक्टोबर १७ का दिन बितरण गरिने फाउण्डेशनका कोषाध्यक्ष कविता खडकाले जानकारी दिइन । फाउण्डेशनले दाइजो प्रथाको न्यूनीकरणको क्षेत्रमा मात्र काम गर्ने अध्यक्ष अहमदे बताएका छन ।