इतिहासले सम्झिने गरि आन्नद र ढुक्कसंग मर्ने मात्र रहर छः प्रधानमंत्री दाहाल

इसीमाना सम्वाददाता २०८० भदौ ८ गते ०४: १६ मा प्रकाशित 459 पटक पढिएको

बीरगंज । प्रधानमंत्री पुष्पकमल दाहाल प्रचण्डले बिश्व सर्वहारा वर्गका अगुवा नेता लेनीनको भनाई स्मरण गर्दै क्रान्ति गर्नु भन्दा पनि क्रान्तिले ल्याएको परिर्वतनलाई जोगाउन अहिले चुनौती थपिएको बताएका छन ।

बीरगंजमा समाजवादी मोर्चाले आयोजना गरेको सन्देश सभालाई सम्बोधन गर्दै परिर्वतनलाई उल्टयाउन प्रतिक्रियावादीले ठुलो तागत लगाईरहेको बताए ।

प्रतिक्रियावादीहरुले जनताको क्रानितले ल्याएको परिर्वतनलाई स्वीकार गर्न नसकेको तथ्य यत्रतत्र देखिएको चर्चा गर्दै नेकपा माओवादी केन्द्रका अध्यक्ष समेत रहेका दाहालले सचेत जागरणको प्रवाहले जागेका उत्पीडित जनाताको क्रान्तिले सामन्ती निरकुंशताको अन्त्य गरेको र त्यसलाई संस्थागत गर्न गम्भिर जिम्मेवारी आएको बताए । मोर्चा प्रतिगमन बिरुद्धको षडयन्त्रको मोर्चा भएको प्रधानमंत्री दाहालले बताए ।

प्रधानमत्री पुष्पकमल दाहालले समाजवादी मोर्चाको नेतृत्वमा मात्रै देशमा केही राम्रो हुने बताए । केही मान्छेहरु सरकार ढाल्नकालागि बिहानै देखी धुप बालेर लागि परेको बताउदै उत्तारार्धमा केही राम्रा काम गरेर जनता र इतिहासले सम्झिने गरि आन्नद र ढुक्कसंग मर्ने मात्रआफनो रहेर रहेको बताएका छन ।

सुन तस्करी नियन्त्रणकालागि सुन समातेको अहिले त सुन किन समातेको जस्तो पो हुन थालेको प्रधानमंत्रीको भनाई थियो ।

मधेशको आर्थिक राजधानीबाट आयोजना गरिएको सन्देश सभाको अर्थ र महत्व ज्यादै महत्वपूर्ण रहेको छ । मधेश प्रदेश स्तरीय मोर्चाको घोषणा समेत गरिएको छ ।

सडक र सदनबाट जनताको आवाज मुखरित गर्ने उद्धेश्यका साथ मोर्चाको मधेश प्रदेशले काम गर्ने उनले बिश्वास ब्यक्त गरे ।