कोभिशिल्ड खोप बेचेको प्रकरणमा छानवीन गर्न स्थानीय प्रशासनले बनायो समिति

6/4/2021 गते 00 00 मा प्रकाशित 956 पटक पढिएको

जनस्वास्थ्य कार्यालय र नारायणी अस्पतालका चिकित्सकले कोभिसिल्ड खोप बेचेको चर्चा चलेपछि स्थानीय प्रशासनले चासो देखाएको छ ।

घटनाको बिषयमा छानवीन गर्न स्थानीय प्रशासनले जिल्ला प्रशासन कार्यालय पर्साका प्रशासकीय अधिकृत अर्जुन पौडेलको संयोजकत्वमा ४ सदस्यीय छानवीन समिति गठन गरेको छ । जिल्ला स्वास्थ्य कार्यालय, नारायणी अस्पताल र जिल्ला प्रहरी कार्यालयका अधिकृत समितिको सदस्य रहेका छन् ।

जिल्ला जनस्वास्थ्य कार्यालय पर्साका खोप प्रमुख अनिल सिंह र नारायणी अस्पतालका चिकित्सक डा.नुर देवानले बीरगंजका सभ्रान्त त्यसमा पनि समुदाय बिशेषको घरमा गएर पैसा लिएर खोप लगाएको घटना सार्वजनीक भएपछि स्थानीय प्रशासनले छानवीन गर्ने निर्णय लिएको हो ।

जिल्ला खोप समन्वय समिति पर्साका संयोजक एवं प्रमुख जिल्ला अधिकारी पिताम्बर घिमिरेले खोप वितरणमा अनियमितता भएको चर्चा चलेपछि वास्तविकता पत्ता लगाउन छानवीन समिति गठन गरेको बताउनु भयो । ‘

खोपको अनियमितता भएको चर्चा चलेकोले वास्तविकता बुझ्न समिति गठन गरेका छौं ।’ उहाँले भन्नुभयो ‘ सदस्य पठाउन सम्बन्धित कार्यालयहरुलाई पत्राचार भईसकेको छ, समितिले आवश्यक अध्ययन, अनुसन्धान गर्छ ।’

सवास्थ्य कार्यालय पर्साका खोप अधिकृत अनिल सिंहले भने खोपमा अनियमितता भएको हल्लामा सत्यता नभएको दावी गनुृ भयो । उहाँले जिल्ला खोप समन्वय समितिको निर्देशन अनुसार नै खोप कार्यक्रम सञ्चालन गरिएको दावी गर्नुृ भयो ।