वीरगञ्ज । वीरगञ्जमा जारी दोश्रो वीरगञ्ज गोल्डकप फुटबल प्रतियोगीतामा सलेहस फूटबल क्लब विजयी भएको छ ।
आइतवार आदर्शननगर रंगशालामा संकटा क्लब काठमाडौ र सलेहस फूटबल क्लब वीच भएको प्रतिस्पर्धामा ट्राइब्रेकरको आधारमा सलेहस फूटबल क्लब बिजयी भएको हो ।
निर्धारित ९० मिनेटमा दुवैटिमबाट गोल हुन नसकेपछि खेल टाईब्रेकरमा धकेलएको थियो । टाईब्रेकरमा सलेहस फुटबल क्लब सिरहाले संकटा क्लब काठमाडौंलाई ५–४ गोल अन्तरले पराजित गरेको हो ।
जितसँगै सलेहस फुटबल क्लब सेमीफाईनलमा प्रवेश गरेको छ । भोलीको खेल विभागीय टोली नेपाल पुलिस क्लब र बागमती क्बलबीच दिउँसो साढे दुईबजे हुने आयोजकले जनाएको छ । प्रतियोगितामा राष्ट्रिय स्तरका आठ फुटबल टिमको सहभागिता जनाएका छन् ।
मधेस प्रदेश कै सर्वाधिक धनराशि भएको दोस्रो वीरगन्ज गोल्डकप प्रतियोगितामा विजेता टोलीलाई नगद ११ लाख ११ हजार एक सय एघार रुपैयाँ, ट्रफी, मेडल र प्रमाणपत्र र उपविजेता हुने टोलीलाई पाँच लाख ५५ हजार पाँच सय ५५ रुपैयाँ नगद, ट्रफी,मेडल र प्रमाणपत्रले पुरस्कृत गरिनेछ ।
तपाईको प्रतिक्रिया