कोभिड राजनीतिलाई क्वारेन्टाइनमा राख्न डब्लुएचओ प्रमुखको आग्रह

एजेन्सी

4/8/2020 गते 00 00 मा प्रकाशित 1460 पटक पढिएको

काठमाण्डौ २७ चैत । विश्व स्वास्थ्य संगठनका महानिर्देशक टेड्रोस अधानम घेब्रेयेससले कोरोना भाइरसका विषयमा राजनीति नर्गन आग्रह गर्नु भएको छ ।

उहाँले कोरोना भाइरसको संक्रमणको बिषयमा भइरहेको राजनीतिकरण अन्त्य गरी एकताबद्ध हुन उहाँले आव्हान गर्नु भएको छ ।

अमेरिकी राष्ट्रपती डोनाल्ड ट्रम्पले डब्लुएचओको भूमिका प्रति असन्तोष जनाउदै अनुदान रोक्ने घोषणा गर्नु भएको केही घण्टापछि डब्लुएचओ प्रमुखको यस्तो अभिब्यक्ति आएको हो ।

अमेरिकी राष्ट्रपति डोनाल्ड ट्रम्पले डब्लुएचओ चीनकेन्द्रित भएको आरोप लगाउँदै राष्ट्रसंघलाई दिँदै आएको रकम रोक्ने चेतावनी दिएपछि डब्लुएचओ प्रमुखले राजनीतिकरण नगर्न आग्रह गर्नु भएको हो ।

महानिर्देशक टेड्रोसले ट्रम्पको आरोपको खण्डन गर्दै आफूहरुले सबै मुलुकलाई निकट रुपमा हेरिरहेको बताउनु भयो। उनले कोभिड राजनीतिलाई क्वारेन्टाइनमा राख्न पनि आग्रह गर्नु भयो।

ट्रम्पले बुधबार आफ्ना भनाइ सच्याउँदै डब्लुएचओले सही तरिकाले आफ्ना प्राथमिकता निर्धारण गर्नुपर्ने बताउनु भएको थियो ।

उहाँले राष्ट्रसंघलाई दिने रकमका विषयमा अध्ययन गरेर निर्णय लिन सक्ने उल्लेख गनुृ भएको थियो । डब्लुएचओको कूल बजेटको १५ प्रतिशत अमेरिकाले योगदान गर्छ।