वीरगन्ज । प्रगतिशील लोकतान्त्रिक पार्टीले पर्सा जिल्लामा प्रतिनिधि सभा निर्वाचनलाई लक्षित गर्दै औपचारिक चुनावी अभियान प्रारम्भ गरेको छ।
पर्सा क्षेत्र नम्बर–२ बाट उम्मेदवार बनेका अमिताभ बच्चन दासले बहुदरमाई नगरपालिका–६ अन्तर्गत गमरिया टोलबाट अभियानको सुरुआत गरेका हुन्।
सो अवसरमा आयोजित कार्यक्रममा उनले स्थानीय मतदातासँग प्रत्यक्ष संवाद गर्दै आफ्ना प्राथमिकता, एजेन्डा र प्रतिबद्धता सार्वजनिक गरे।
पार्टीका अनुसार जनताको आवाज र सुझावलाई मुख्य आधार बनाएर अभियान अघि बढाइनेछ। आगामी दिनमा क्षेत्रका विभिन्न स्थानमा घरदैलो, जनसम्पर्क तथा भेटघाट कार्यक्रमलाई तीव्र बनाइने तयारी गरिएको छ।
स्थानीयस्तरमै संवादबाट अभियान सुरु गरिएकोले जनतासँग नजिकको सम्बन्ध स्थापित गर्ने लक्ष्य रहेको पार्टी स्रोतले जनाएको छ। उनीसंगै अभियानमा नेताहरु बालकृष्ण श्रेष्ठ लगायतको सहभासगता रहेको छ ।
तपाईको प्रतिक्रिया