भूमिहीन सुकुम्वासीको समस्या केवल कागजी प्रक्रिया नभई सामाजिक न्यायसँग गहिरो रूपमा जोडिएको छः अध्यक्ष अहमद
वीरगञ्ज । भूमि समस्या समाधान आयोग जिल्ला समिति पर्साले भूमिहीन दलित, सुकुम्बासी तथा अव्यवस्थित बसोबासीहरूको लगत सङ्कलन सम्बन्धी तालिम समापन भएको छ ।
लगत संकलन त्यसको डिजिटल प्रविष्टि कार्यलाई थप प्रभावकारी बनाउने उद्देश्यले एकदिने कम्प्युटर तालिम आयोजना गरिएको थियो। वीरगञ्जमा बिहीबार सम्पन्न उक्त तालिममा जिल्लाभरिका प्राविधिक कर्मचारीहरूको सक्रिय सहभागिता रहेको थियो।
तालिम समापन कार्यक्रममा आयोग पर्साका जिल्ला अध्यक्ष तबरेज अहमदले भूमिहीनको विषय केवल कागजी प्रक्रिया नभई सामाजिक न्यायसँग गहिरो रूपमा जोडिएको संवेदनशील मुद्दा भएको बताए ।
उनले सरकारद्वारा अगाडि बढाइएको लालपूर्जा वितरण अभियानलाई सफल बनाउन यथार्थपरक, सही र पारदर्शी तथ्याङ्क अनिवार्य रहेको उल्लेख गरे। “लगतमा सानो त्रुटिले पनि वास्तविक हकदार अन्यायमा पर्न सक्छन्, त्यसैले प्रविधिको सही प्रयोग अपरिहार्य छ,” उनले भने ।
अध्यक्ष अहमदले स्थानीय तह, आयोग र प्राविधिक जनशक्तिबीचको समन्वय मजबुत भए मात्र भूमिहीन समस्या समाधानमा ठोस उपलब्धि हासिल गर्न सकिने धारणा राख्दै तालिम प्राप्त कर्मचारीहरूलाई जिम्मेवारीपूर्वक काम गर्न प्रेरित गरे।
कार्यक्रमको अध्यक्षता आयोगका जिल्ला सदस्य–सचिव राकेश झाले आयोगको डिजिटल प्रणाली सञ्चालनका क्रममा देखिने प्राविधिक चुनौती समाधान गर्न तालिम केन्द्रित रहेको जानकारी दिए । उनले तालिममा प्राप्त ज्ञानलाई व्यवहारमा उतारेर लगत प्रविष्टि कार्यलाई छरितो, व्यवस्थित र विश्वसनीय बनाउन आग्रह गरे ।
तालिम सत्रमा सहभागीहरूलाई लगत फारम इन्ट्री प्रक्रिया, डाटा व्यवस्थापन, त्रुटि सच्याउने तरिका तथा प्रतिवेदन तयारीसम्बन्धी व्यावहारिक अभ्यास गराइएको थियो। कार्यक्रममा आयोगका विज्ञ सदस्य सन्तोष पासवान, सदस्य शिव नारायण राम लगायत जिल्लास्थित प्राविधिक कर्मचारीहरूको उल्लेख्य उपस्थिति रहेको थियो।
सहभागीहरूले यस्ता सीपमूलक तालिमले कार्यक्षेत्रमा देखिने समस्या समाधान गर्न सहयोग पुगेको र आत्मविश्वास बढाएको प्रतिक्रिया दिएका छन्। आयोगले आगामी दिनहरूमा पनि कर्मचारी तथा प्राविधिकहरूको क्षमता विकासका लागि यस्ता तालिम कार्यक्रमलाई निरन्तरता दिने जनाएको छ।
सम्बन्धित शीर्षकहरु
सीमापारी/अन्तराष्ट्रिय
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मोटरसाइकल दुर्घटनामा परि पोखरियाको बसन्तपुरका चमारको मृत्यु
वीरगंज । पथलैया–वीरगन्ज सडकखण्डमा बुधबार दिउँसो भएको मोटरसाइकल दुर्घटनामा एक जनाको मृत्यु भएको छ । मृत्यु हुनेमा पर्साको पोखरिया नगरपालिका ३ बसन्तपुरका ४० वर्षीय राम चमार रहेका छन् ।
कसको सहमतीमा मासुको मूल्य १२ सय भयो ? व्यवसायीहरूले लुटतन्त्र मच्चाएको भन्दै मंचले जनायो आपत्ती
वीरगञ्ज । उपभोक्ता हित संरक्षण मञ्च नेपाल, पर्साले एक बिज्ञप्ति जारी गर्दै अस्वभाविक रुपमा बढेको मूल्यबृद्धिका कारण आम उपभोक्ताको जनजीवनमा गम्भिर असर परेको जनाएको छ ।
खेलकुद
नवौँ गोलबजार मेयर गोल्डकप फुटबल प्रतियोगितामाअ आज चात्यासा फुटबल क्लब र विराटनगर भिड्ने
गोलबजार । सिरहाको गोलबजार नगरपालिकाद्वारा आयोजित नवौँ गोलबजार मेयर गोल्डकप फुटबल प्रतियोगिताको दोस्रो दिनको खेलमा सलहेश युवा क्लब, सिरहा विजयी भएको छ।
गोलबजार मेयर गोल्ड कप चैत तेस्रो सातादेखि, बिजेताले ४ लाख ४४ हजार ४ सय ४४ रुपैया पुरस्कार पाउने
गोबजार । नवौँ संस्करणको मेयर गोल्ड कप फुटबल प्रतियोगिता चैत २३ देखि २९ गतेसम्म सञ्चालन हुने भएको छ । गोलबजार नगरपालिकाले पत्रकार सम्मेलनमार्फत प्रतियोगिताको तालिका सार्वजनिक गरेको हो ।
तपाईको प्रतिक्रिया