वीरगंज । नेपाली कांग्रेस पर्साको क्षेत्र नं १ का उम्मेदवार अनिल रुङ्गटाले महानगरको वडा नं २३ प्रसौनीमा घरदैलो गर्दै नागरिकसंग भेटघाट गरेका छन ।
घरदैलो अभियानका क्रममा प्राप्त जनसमर्थनले आफूलाई थप जिम्मेवार र उत्साहित बनाएको बताएका छन । मतदाताको विश्वास नै आफ्नो प्रमुख शक्ति भएको उल्लेख गर्दै उनले जनताको सुख–दुःखमा सधैं साथ रहने प्रतिबद्धता व्यक्त गरे।
रुङटाले विकास र सुशासनलाई प्राथमिकतामा राख्दै पर्सा क्षेत्र नं १ लाई नमुना क्षेत्रका रूपमा विकास गर्ने दृढ संकल्प दोहोर्याए ।
कांग्रेसको जीत जनताको जीत हुने स्पष्ट पार्दै उनले सबै नेता, कार्यकर्ता र समर्थकहरूलाई एकताबद्ध भई चुनावी अभियानलाई थप प्रभावकारी बनाउन आह्वान गरे।
आज सम्पन्न घरदैलो कार्यक्रममा नेपाली कांग्रेस पर्साका कार्यवाहक सभापति रामनारायण कुर्मी, पूर्व सभापति अजय दिवेदी, क्षेत्रीय सभापति अरबिन्द गुप्ता, उपसभापति अनिल सिंह, पूर्व क्षेत्रीय सभापति विजय सर्राफसहित जितेन्द्र पुरुष ढकाल , मनोजा चौधरी, किरण सरकार, सुरेन्द्र लामिछाने, रामनिवास यादवलगायत पार्टीका नेता तथा कार्यकर्ताहरूको उल्लेखनीय सहभागिता रहेको थियो।
तपाईको प्रतिक्रिया