वीरगञ्ज । पर्सा क्षेत्र नंं १ मा नेकपा एमालेका उम्मेदवार प्रदीप यादवले वडा १८ मा मधेश आन्दोलनका शहीद धर्मराज सिंहका अभिभावकलाई भेट गरेका छन ।

शुक्रवार उनले वडा नं १८ को भवानीपुरमा घरदैलोको गर्ने क्रममा सिंहका माता श्रीमती कलावती देवी राजपुतसंग भेट गरेका हुन । उनले शहीद माताबाट आर्शिवाद प्राप्त गरेको बताएका छन ।

भेटमा यही क्षेत्रका पूर्व साँसद र मन्त्री समेत रहेका यादवसंग स्थानीय नागरिकले आफना समस्या, सुझाव र अपेक्षाहरू पनि ब्यक्त गरेका थिए । स्थानीय स्तरमा देखिएका विकास, सेवा–सुविधा र सुशासनसँग सम्बन्धित विषयहरूमा नागरिकले आफ्ना धारणा राखेका थिए।
सोही क्रममा वीरगञ्ज–२२ मनियारीमा बिर्तामा घरदैलो तथा कोण सभा सम्पन्न भएको छ । कार्यक्रममा जनताको आवाजलाई प्रतिनिधि सभामा मजबुत रूपमा उठाउने प्रतिबद्धता व्यक्त गर्दै विकास र सुशासनका लागि निरन्तर क्रियाशील रहने यादवले प्रतिवद्धता जनाउका छन ।

कार्यक्रममा नेकपा एमालेका केन्द्रीय सदस्य बिजय कुमार सरावगी,प्रदेश उपाध्यक्ष बिचारी यादव लगायतका नेताहरुको सहभागिता रहेको थियो ।
तपाईको प्रतिक्रिया