पर्सा २ मा रास्वपाको घरदैलो अभियान तीव्र, सुशासन र रोजगारीमा जोड
वीरगंज । पर्सा निर्वाचन क्षेत्र नं. २ अन्तर्गत वीरगंज महानगरपालिका वडा नं. २७ स्थित घुर्मी टोलमा राष्ट्रिय स्वतन्त्र पार्टीले प्रतिनिधिसभा निर्वाचनलाई लक्षित गर्दै घरदैलो अभियान सञ्चालन गरेको छ।
स्थानीयको उल्लेखनीय सहभागितासहित सम्पन्न कार्यक्रममा पार्टीले सामाजिक सुरक्षा, रोजगारी, शिक्षा तथा सुशासनलाई मुख्य प्राथमिकताका रूपमा प्रस्तुत गरेको छ।
घरदैलो अभियानका क्रममा रास्वपाले जेष्ठ नागरिकलाई घरमै वृद्धभत्ता उपलब्ध गराउने नीतिलाई पुनः कार्यान्वयनमा ल्याउने प्रतिबद्धता व्यक्त गरेको छ। लामो समयदेखि वृद्धभत्ता लिन कार्यालय धाउनुपर्ने झन्झट भोग्दै आएका जेष्ठ नागरिकका लागि घरमै सेवा पुर्याउनु आवश्यक रहेको स्थानीयवासीले बताएका थिए।
कार्यक्रममा प्रतिनिधिसभा उम्मेदवार सुशील कुमार कानुले जेन्जी युवालाई लक्षित गरी रोजगारी सिर्जना, महिलाका लागि स्वरोजगारका अवसर, सीपमूलक तालिम तथा गुणस्तरीय उच्च शिक्षाको व्यवस्था रास्वपाको प्रमुख एजेन्डा रहेको स्पष्ट पारे। निर्वाचित भएपश्चात यी आधारभूत समस्याको समाधानका लागि प्रभावकारी पहल गरिने उनले प्रतिबद्धता जनाए।
स्थानीयसँगको अन्तरक्रियामा कानुले समयअनुसार प्राविधिक शिक्षाको विकास अपरिहार्य रहेको उल्लेख गर्दै सीप र रोजगारीलाई आपसमा जोड्ने नीतिमा पार्टी दृढ रहेको बताए। “सीप नभएसम्म रोजगारी सम्भव हुँदैन, र रोजगारी बिना समृद्ध समाजको कल्पना गर्न सकिँदैन,” उनले भने, “स्थानीय तहमै प्राविधिक शिक्षा र तालिमको पहुँच विस्तार गरिनेछ।”
घरदैलोमा सहभागी स्थानीयवासीले पुरानै नारा र खोक्रा आश्वासनबाट आजित भएको प्रतिक्रिया दिँदै व्यवहारमा देखिने, नतिजामुखी विकासको अपेक्षा व्यक्त गरेका थिए। रास्वपाले सुशासन, पारदर्शिता र जवाफदेहितामा आधारित राजनीतिक अभ्यास स्थापित गर्ने सन्देश टोल–टोलमा पुर्याइरहेको आयोजकले जनाएको छ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
यस वर्षको सुबोध स्मृति पत्रकारिता पुरस्कारबाट पत्रकार गौतम पुरस्कृत हुने
वीरगञ्ज । प्रतीक दैनिकले प्रदान गर्दै आएको सुबोध स्मृति पत्रकारिता पुरस्कार यस वर्ष वीरगञ्जका पत्रकार महेशचन्द्र गौतमलाई प्रदान गर्ने निर्णय गरेको छ ।
५८ जनाले गरे रक्तदान, राउन्ड टेबल नेपाल वीरगञ्ज र रोट्र्याक्ट क्लबलाई , रेडक्रस पर्साले दियो धन्यवाद
वीरगञ्ज । वीरगञ्जमा राउन्ड टेबल नेपाल वीरगञ्ज र रोट्र्याक्ट क्लब अफ वीरगञ्ज मेट्रोपोलिसको संयुक्त आयोजनामा वीरगंजमा ५८ जनाले रक्तदान गरेका छन्।
खेलकुद
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
मधेस प्रदेश स्तरीय राष्ट्रपति रनिङ शिल्ड छनोट प्रतियोगिता शुरु ,पूर्वमन्त्री जयसवालले गरे उद्धघाटन
सिमरा । मधेस प्रदेश स्तरीय राष्ट्रपति रनिङ शिल्ड छनोट प्रतियोगिता मंगलबारदेखि सिमरामा सुरु भएको छ । राष्ट्रिय स्तरको राष्ट्रपति रनिङ शिल्ड प्रतियोगितामा सहभागी हुने खेलाडी छनोट गर्ने उद्देश्यले प्रतियोगिता आयोजना गरिएको हो ।
तपाईको प्रतिक्रिया