जलवायु सम्मेलनमा वीरगन्जले उठाउनेछ मधेसको ताप र पानीको समस्या
वीरगन्ज । जलवायु परिवर्तनका कारण तराई–मधेसमा बढ्दै गएको गर्मी र पानीको समस्या राष्ट्रियस्तरमा उठाउन वीरगन्ज महानगरपालिकाको टोली मुस्ताङ जाने भएको छ ।
मुस्ताङको घरपझोङ गाउँपालिकाले आयोजना गर्न लागेको ‘घरपझोङ जलवायु परिवर्तन सम्मेलन–२०८३’ मा सहभागी हुन महानगरको टोली आगामी भदौ ३० गते जोमसोम जानेछ । सम्मेलनका लागि महानगरले ‘तात्तिँदै वीरगन्ज, सुक्दै मधेस’ भन्ने नारा तय गरेको छ ।
सम्मेलनमा सहभागी हुने महानगरका प्रशासन प्रमुख कीर्ति सुवेदी र वातावरण शाखा प्रमुख राकेश साहलाई शुक्रबार एक कार्यक्रमबीच बिदाइ गरिएको छ । उनीहरूलाई महानगरका कार्यवाहक मेयर इम्तियाज आलम र प्रमुख प्रशासकीय अधिकृत बसन्तबहादुर बोहराले शुभकामनासहित बिदाइ गरेका हुन् ।
बिदाइ कार्यक्रममा कार्यवाहक मेयर आलमले जलवायु परिवर्तनको असर हिमालमा मात्र नभई तराई–मधेसमा पनि गम्भीर बन्दै गएको बताए ।
वीरगन्जसहित मधेसका विभिन्न क्षेत्रमा भूमिगत पानीको सतह घट्दै जाँदा खानेपानीको समस्या बढिरहेको उनले बताए ।
‘जलवायु परिवर्तनको असर हिमालमा मात्र होइन, तराई–मधेसमा पनि देखिन थालेको छ । भूमिगत पानीको सतह घट्दै जाँदा खानेपानीको समस्या गम्भीर बन्दै गएको छ,’ आलमले भने, ‘जोमसोमको सम्मेलनमा मधेसले भोगिरहेका यस्ता समस्या र यहाँको वास्तविक अवस्था स्पष्ट रूपमा राख्नेछौँ ।’
प्रमुख प्रशासकीय अधिकृत बोहराले जलवायु परिवर्तनको समस्या समाधानका लागि हिमालदेखि तराईसम्मका स्थानीय तहबीच सहकार्य आवश्यक रहेको बताए ।
उनका अनुसार सम्मेलन स्थानीय तहहरूबीच जलवायु परिवर्तनका असर र त्यसबाट बच्ने उपायबारे छलफल गर्ने महत्वपूर्ण अवसर हुनेछ । वीरगन्जको टोलीले मधेसको समस्या र त्यसको समाधानका लागि आवश्यक सुझाव सम्मेलनमा प्रस्तुत गर्ने उनले बताए ।
घरपझोङ गाउँपालिकाको आयोजनामा भदौ ३० र ३१ गते जोमसोम कभर्ड हलमा हुने सम्मेलनमा देशभरका स्थानीय तहका प्रतिनिधि तथा जलवायु विज्ञहरूको सहभागिता रहने आयोजकले जनाएको छ ।
सम्मेलनमा जलवायु परिवर्तनका कारण विभिन्न क्षेत्रमा देखिएका समस्या, त्यसको प्रभाव र समाधानका उपायबारे छलफल हुने बताइएको छ ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया