नागरिकता दुरुपयोग गरी राजस्व ठगी, निर्दोष युवा जेलमा पुगेको सांसद पन्तको दाबी
काठमाडौं । अरूको नागरिकता दुरुपयोग गरी कम्पनी र बैंक खाता खोल्ने तथा त्यसैमार्फत राजस्व ठगी गर्ने प्रवृत्ति बढेको भन्दै साँसद बुद्धी प्रसाद पन्तले सरकारको ध्यानाकर्षण गराएका छन्।
प्रतिनिधिसभाको बैठकमा बोल्दै सांसद पन्तले आफ्नो निर्वाचन क्षेत्रका विपन्न युवा पविन्द्र साह गोढ यसको शिकार भएको बताए।
उनका अनुसार सामान्य चिनजानका व्यक्तिले गोढको नागरिकता प्रयोग गरेर कम्पनी दर्ता गरेका थिए। कम्पनीको बैंक खाता पनि खोलिएको थियो। त्यसको पावर अफ अटर्नीसमेत उनीहरूले आफूसँग राखेका थिए।
पछि सोही कम्पनीमार्फत राजस्व छली भएको र त्यसको कानुनी जिम्मेवारी भने नागरिकता प्रयोग भएका गोढमाथि परेको सांसदको भनाइ छ।
राजस्व अनुसन्धान विभागले दायर गरेको मुद्दामा उच्च अदालत पाटनले गोढलाई तीन करोड रुपैयाँभन्दा बढी जरिवाना र छ महिनाको कैद सजाय सुनाएको उनले सदनमा जानकारी गराए।
तर सांसदका अनुसार गोढलाई आफ्नो नाममा कम्पनी खुलेको समेत जानकारी थिएन। बैंक खाता खोलिएको र त्यसबाट कारोबार भएको विषयमा पनि उनी अनभिज्ञ थिए। मुद्दा चलेको र पुनरावेदन गर्नुपर्ने प्रक्रियाबारे समेत उनलाई जानकारी नभएको सांसदको दाबी छ।
मुद्दामा तोकिएको म्यादसमेत गुज्रिएपछि प्रहरीले उनलाई पक्राउ गरी कारागार पठाएको सांसदले बताए।
“राजस्व छली त परको कुरा, आफ्नै नाममा कम्पनी र बैंक खाता खुलेकोसम्म उनलाई थाहा थिएन,” सांसदले सदनमा भने।
उनले आफ्नो निर्वाचन क्षेत्रमा मात्रै नागरिकता दुरुपयोग गरेर यस्तै घटनामा फसाइएका करिब आधा दर्जन व्यक्ति रहेको दाबी गरे।
नागरिकताको दुरुपयोग गरी वास्तविक राजस्व ठगी गर्ने व्यक्तिलाई उन्मुक्ति दिने र कागजमा देखिएको व्यक्तिलाई मात्र कारबाही गर्ने अवस्था अन्त्य गर्नुपर्ने सांसदको माग छ।
उनले सभामुखमार्फत सरकारको ध्यानाकर्षण गराउँदै राजस्व ठगीका वास्तविक दोषी पहिचान गरी कारबाही गर्न र नागरिकता दुरुपयोगका कारण कानुनी फन्दामा परेका निर्दोष नागरिकलाई न्याय दिलाउन माग गरे।
यो घटनाले नागरिकताको सुरक्षा, कम्पनी दर्ता प्रक्रिया, बैंक खाता खोल्दा गरिने पहिचान परीक्षण र राजस्व अनुसन्धानको प्रक्रियामाथि समेत गम्भीर प्रश्न उठाएको छ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया