कोहडीमा टोलबिकास संस्था गठन

4/23/2017 गते 00 00 मा प्रकाशित 1413 पटक पढिएको

वीरगन्ज, १० बैशाख
पर्साको साविक उदयपुरघुर्मी गाविस हालको वीरगन्ज उपमहानगरपालिकाको वडा नम्बर २७ मा स्थानीयको सहभागीतामा दुईवटा टोल विकास संस्था गठन भएको छ । युनिसेफको सहयोग र वीरगन्ज उपमहानगरपालिकाको अगुवाईमा एकै पटक दुईवटा टोल विकास सस्था गठन भएको हो । आफ्नो टोलका सरसफाइ लगायत वास्तविक समस्या पहिचान गरी विकासको गतिमा तीव्ररुपले अगाडी बढाउन स्थानीय नै अग्रसर हुनुपर्ने संघिय नियम अनुसार नगरका सबै वडाहरुमा स्थानीयकै सहभागीतामा टोल विकास संस्था गठन गरिएको वीरगन्ज उपमहानगरपालिकाका प्रमुख कार्यकारी अधिकृत पिताम्बर अधिकारीले बताए । उदयपुरघुर्मीको कुहडी टोलमा गठित दुईवटा टोल विकास संस्थामा रामरहिम टोल विकास संस्था र बजरंग टोल विकास संस्था रहेको उनको भनाइ छ । निर्विरोध गठन भएका टोल विकास संस्थामा रामरहिम टोल विकास संस्थाको अध्यक्ष महमद अलि हुसेन र बजरंग टोल विकास संस्थाको अध्यक्ष धनन्जय यादव रहेका छन् । उनीहरुको नेतृत्वमा ११ ⁄११ सदस्य कमिटि निर्विरोध गठन भएको वीरगन्ज उपमहानगरपालिकाका सामाजिक शाखा प्रमुख सुनिल कर्णले बताएका छन् । सो संस्थाको गठनमा कार्यक्रममा नेपाल पत्रकार महासंघका पूर्व अध्यक्ष केसी लामिछाने, उपाध्यक्ष मायामितु न्यौपाने सह सचिव आर.के पटेल पत्रकारहरु बिजय भण्डारी रितेश त्रिपाठप् वीरगन्ज उपमहानगरपालिकाका राजकृष्ण ताम्राकार, साविक उदयपुर गाउ विकास समितिका पूर्व अध्यक्ष नागेन्द्र यादव, एमालेका स्थानीय नेता प्रभु पासवान, उदयपुरघुर्मी वडाका वडा सचिव दिपेन्द्र पटेल, सो वडाका सामाजिक परिचालक राज बहादुर यादव लगायतको सहभागीता रहेको थियो । कार्यक्रममा टोल बिकास संसंस्थाको उद्धेश्यमाथि सामाजिक बिकासका ज्ञाता तवरेज अहमदले प्रकाश पारेका थिए । टोल किास संस्थाको माध्यमले स्थानीय स्तरमा सरसफाईमा बिशेष ध्यान दिन आफना समस्याहरुको हलका निम्ति पहल लिन स्थानीय समुदाय अग्रसर होउन भन्ने उद्धेश्यले काम गरिएको परामर्शदाता महेश अर्यालले बताए ।