गोलबजार । सिरहाको गोलबजार नगरपालिकाद्वारा आयोजित नवौँ गोलबजार मेयर गोल्डकप फुटबल प्रतियोगिताको दोस्रो दिनको खेलमा सलहेश युवा क्लब, सिरहा विजयी भएको छ।
खेलको पहिलो हाफ बराबरीमा सकिएपछि दोस्रो हाफको अन्तिम समयमा जर्सी नम्बर–६ का खेलाडी पासङ लामाले निर्णायक गोल गर्दै टोलीलाई जित दिलाएका हुन्।
उत्कृष्ट प्रदर्शन गरेका पासङ लामा ‘म्यान अफ द म्याच’ घोषित भए। जिल्ला समन्वय समिति सिरहाका उपसभापति दिलिप लामाले उनलाई म्यान अफ द म्याचको पुरस्कार प्रदान गरेका थिए।
आयोजकका अनुसार प्रतियोगिताअन्तर्गत आजको खेल चात्यासा फुटबल क्लब, विराटनगर र झापा बीच अहिले केहीबेरमा शुरु हुने छ ।
प्रतियोगिताको विजेताले नगद ४ लाख ४४ हजार ४ ुय ४४ सहित ट्रफी प्राप्त गर्ने छ भने उपविजेताले नगद २ लाख २२ हजार २२२ सहित ट्रफी हात पार्नेछ।
साथै ‘म्यान अफ द म्याच’, ‘उत्कृष्ट खेलाडी’ लगायत विभिन्न विधामा पुरस्कारको व्यवस्था गरिएको छ।
गोलबजार नगरपालिका वडा नं. २ गुरुधामस्थित खेलग्राममा सञ्चालन भइरहेको प्रतियोगितामा देशका विभिन्न स्थानबाट ८ टोलीको सहभागिता रहेको आयोजकले जनाएको छ।
तपाईको प्रतिक्रिया