माघी (खिचडी) पर्व यसबर्ष पनि पर्सामा भव्य रुपमा मनाउने
वीरगन्ज, २९ पुस । थारुहरु समुदायले मनाउने माघी (खिचडी) पर्व यसबर्ष पनि पर्सामा भव्य रुपमा मनाउने भएका छन । हरेक बर्ष मनाउदै आएको थारुहरुको सांस्कृतिक पर्व माघी (खिचडी) यसबर्ष पनि भव्य रुपमा मनाउने तयारी गरेको हो ।
माघी मूल समारोह समितिको आयोजना तथा नेपाल आदिवासी जनजाति पत्रकार महासंघ पर्साको संयोजनामा आज होटल कुमु प्यालेसमा पत्रकार सम्मेलन गरेर पर्सामा रहेका थारु समुदायका विभिन्न संघ संस्थाहरुले संयुक्त रुपमा माघी पर्व मनाउन लागेको जानकारी दिएको हो ।
माघीको लागि सम्पूर्ण तयारीहरु भएको र यसबीचमा विभिन्न कार्यक्रमहरुको आयोजना गर्ने पनि पत्रकार सम्मेलनमा जानकारी गराएको छ । विगतका बर्षहरुमा माघी पर्वलाई थारुहरुले अधिकारको आन्दोलनको रुपमा मनाउदै आएकोमा यसबर्ष भने वीरगन्जलाई राजधानी बनाउने आन्दोलनको समर्थन गर्दै पर्सामा भव्य रुपमा मनाउने भएको छ ।
पत्रकार सम्मेलनमा कार्यक्रमको बारेमा जानकारी दिदैं मेलमिलाप थारु परिवार पर्साका अध्यक्ष मनोज चौधरीले थारुहरुको सांस्कृतिक पहिचान र मानव जीवन रक्षाको लागि भोली बिहान रक्तदान कार्यक्रम तथा साँझ ६ बजे दीप प्रज्जवलन कार्यक्रम रहेको जानकारी दिए ।
त्यस्तै माघ १ गते वीरगन्जको घण्टाघरबाट थारु भेषभूषा र झाँकी सहितको ¥याली वीरगन्जको स्वीमिङ्गपुलमा पुगेर भव्य समारोहको आयोजना गरी सम्पन्न हुने पत्रकार सम्मेलनमा जानकारी गराएको छ ।
कार्यक्रममा बोल्दै थारु कल्याणकारिणी सभा पर्साका कार्यवाहक अध्यक्ष नन्दकिशोर पंजियारले थारुहरु विभिन्न आन्दोलनमा संलग्न रहेपनि अहिले सम्म राज्यको विभेदमा परिरहेको र थारुको आफ्नो छुट्टै पहिचान भएपनि विभिन्न आन्दोलनमा थारुलाई मधेसी भनिएको प्रति आपत्ति जनाए ।
माघी (खिचडी) मा थारु समुदायमा नाचिने, समाचकेवा, घाटो, झम्टा, थारुपूर्वी नाच मुख्य आकर्षण रहने प्रमुख अतिथि माघी मूल समारोह समितिका संयोजक परमानन्द चौधरी थारुले जानकारी दिए । त्यस्तै थारु परिकारहरुमा घोंगी, कैकरा, माछा, परेवा, हाँस, कुखुरा, चिचर, लाही, तील आदि पनि राखिने पत्रकार सम्मेलनमा जानकारी गराईएको छ ।
कार्यक्रममा माघी पर्व आयोजक मूल समारोह समितिका प्रचार प्रसार संयोजक एवं सामाजिक अभियन्ता प्रकाश थारु, नेपाल आदिवासी जनजाति पत्रकार महासंघ, पत्रकार महासंघ पर्साका सचिव युवराज खड्का, नेपाल आदिवासी जनजाति पत्रकार महासंघ पर्साका सचिव नीरज पिठाकोटे लगायतको पनि उपस्थिति रहेको थियो ।
नेपाल आदिवासी जनजाति पत्रकार महासंघ (फोनिज) पर्साका उपाध्यक्ष जगत राईको अध्यक्षतामा भएको पत्रकार सम्मेलनमा स्वागत पुनम चौधरीले गरेकी थिईन् भने, संचालन विजया ओझैयाले गरेकी थिईन् ।
सम्बन्धित शीर्षकहरु
सीमापारी/अन्तराष्ट्रिय
प्रवासी नेपाली मञ्च क्यानडाको अध्यक्षमा रमेश धिताल चयन
प्रवासी नेपाली मञ्च क्यानडाको अध्यक्षमा रमेश धिताल सहितको कार्यसमिति सर्वसम्मत चयन भएका छन ।
अभियन्ता चौधरीलाई ‘ग्लोबल एन्टी रेसिजम च्याम्पेनसिप अवार्ड’
वाशिङ्गटन डिसी । नेपालकी सामाजिक अभियन्ता उर्मिला चौधरीे ग्लोबल एन्टी रेसिजम च्याम्पेनसिप अवार्डद्वारा सम्मानित भएकी छिन ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
क्याम्पस प्रमुख कुशवाहाको हत्याका मुख्य अरोपीलाई बारा प्रहरीले गर्यो सार्वजनीक
कलैया । बाराको रामराजा बहुमुखी क्याम्पसका प्रमुख हरिभूषण कुशवाहाको हत्यामा संलग्न रहेको आरोपमा प्रहरीले सुरेन्द्र कुशवाहालाई पक्राउ गरेको छ ।
खेलकुद
क्रिकेटर प्रविण र एसईईमा सर्वोत्कृष्ट नतिजा ल्याउने साह वीरगंज महानगरद्वारा सम्मानित
वीरगंज । नेपाली महिला टोलीलाई विश्वकप क्रिकेटसम्मको यात्रामा योगदान पु¥याउने वीरगंजकी क्रिकेट खेलाडी साना प्रविण र यस वर्षको एसईई परीक्षामा पर्सा जिल्ला प्रथम भएकी रिया साहलाई वीरगंज महानगरपालिकाले आइतबार एक कार्यक्रमकाबीच सम्मान गरेको छ ।
तपाईको प्रतिक्रिया