वीरगन्जमा चोरीका करिब ३७ लाख रुपैयाँ बराबरका सुन–चाँदीका गरगहना बरामद , चार जना पक्राउ
वीरगन्ज । प्रहरीले वीरगन्जमा चोरी भएका सुन–चाँदीका विभिन्न गरगहना बरामद गर्दै चार जनालाई पक्राउ गरेको छ।
पक्राउ पर्नेमा भारत बिहारको बेतिया जिल्ला–बल्थर थाना सरकिला गाउँका ३३ वर्षीय विजय राय, सोही ठाउँका ६० वर्षीय शेख बुनाद, बेतियाकै आरापिपराका ३१ वर्षीय विनोद राउत तथा पर्सा, वीरगन्ज–३२ टेढाका २० वर्षीय विद्याकुमार नट रहेका छन्।
प्रहरीका अनुसार उनीहरूको कब्जाबाट करिब ३७ लाख रुपैयाँ बराबरका सुन–चाँदीका गरगहना बरामद गरिएको छ।
कात्तिक ३० गते वीरगन्ज–३२ मा शंका लागेर रोकिएको लु ९६ प ३७३३ नम्बरको स्कुटीको जाँचका क्रममा शेख बुनादको पाइन्टको दायाँ खल्तीमा सेतो रूमालमा बेरेर राखिएका, बिल–बिजक नभएका केही सुनका गहना फेला परेपछि प्रहरीले उनीहरूलाई नियन्त्रणमा लिएको थियो।
शेख बुनादको बयानका आधारमा प्रहरीले टेढास्थित विद्याकुमार नटको घरमा खानतलासी गर्दा ३६ लाख ७० हजार ५१ रुपैयाँ बराबरका विभिन्न सुन–चाँदीका गहनाहरू फेला पारेको पर्साका प्रहरी प्रवक्ता प्रहरी नायब उपरीक्षक ९डीएसपी० हरिबहादुर बस्नेतले जानकारी दिए।
बरामद गहनामा ११ थान सुनका सिक्री, २ थान झुम्का, ३ थान नथिया, २ थान पोतेसहितका माला, १ लकेट, १ औंठी, २ थान मांगटीका, १० थान चाँदीका पाउजु, २ सिक्का, ८ थान सुनका बिछिया, २ थान चाँदीका हातशंकर तथा सुन–चाँदी तौल गर्ने १ थान तराजु रहेका छन्।
यसबाहेक नेपाली ३ लाख ७९ हजार रुपैयाँ तथा भारतीय ९ हजार २०० रुपैयाँ पनि बरामद गरिएको प्रहरीले जनाएको छ।
प्रहरीका अनुसार यी गहनाहरू पर्सा तथा बाराका विभिन्न मेला, उत्सव र चाडबाडका भीडभाडमा चोरी गरिएका हुनसक्ने आशंका गरिएको छ।
डीएसपी बस्नेतले बिल–बिजकसहित वास्तविक धनीले दाबी लिएर आएमा आवश्यक प्रक्रिया पूरा गरेर गहना फिर्ता गरिने बताए।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया