चैत ११, वीरगञ्ज । निर्माण सामग्री उत्पादनमा सक्रिय औद्योगिक घराना क्याल समूह अत्याधुनिक प्रविधिमा आधारित जस्तापाता उद्योग सञ्चालनको तयारीमा जुटेको छ । विगत २ दशकभन्दा लामो समयदेखि निर्माण सामग्री उत्पादन र यसको व्यवसायमा संलग्न यो समूहले वीरगञ्ज–पथलैया औद्योगिक कोरिडोरमा नारायणी स्ट्रिप्स प्रालि उद्योग सञ्चालनमा ल्याउन लागेको हो ।
अत्याधुनिक प्रविधिबाट जस्तापाता उत्पादन गर्न लागिएको क्याल समूहका निर्देशक राजेश क्यालले जानकारी दिए । निकट भविष्यमा नै यो उद्योगले व्यावसायिक उत्पादन शुरू गर्ने उनले बताए । अबको करीब २ महीनाभित्रै उत्पादन शुरू गर्ने योजनाअनुसार काम अघि बढेको निर्देशक क्यालको भनाइ छ । ‘उद्योगका लागि आवश्यकीय संरचना निर्माण र उपकरण स्थापनाको कार्य अन्तिम चरणमा पुगेको छ । २ महीनाजतिमा उत्पादन थाल्छौं,’ उनले आर्थिक अभियानसित भने । यो उद्योग दैनिक २ सय मेट्रिक टन जस्तापाता उत्पादन गर्न सक्ने क्षमतामा सञ्चालन हुने उनले बताए ।
नेपालमा विकास र भौतिक पूर्वाधार निर्माणको आवश्यकता बढी भएकाले यस्ता कार्यमा लगानी बढेपछि जस्तापातालगायत निर्माण सामग्रीको माग पनि बढ्ने बुझाइ क्याल समूहको छ । यो समूहले फलामे डण्डी, पाइप, सिमेण्ट, इँटालगायत सबै खालका निर्माण सामग्री उत्पादन गर्दै आएको छ ।
यो उद्योगबाट रङ्गीन र सादा जस्तापाता उत्पादन हुने जानकारी क्यालले दिए । उद्योगले जस्तापाताको उत्पादनमा नवीन प्रविधि भित्र्याएकाले यसबाट उपभोक्तासमक्ष उच्चगुणस्तरीय उत्पादन पुर्याउन सकिने दाबी उद्योग व्यवस्थापनको छ ।अभियान दैनीकमा खवर छ
तपाईको प्रतिक्रिया