वीरगंज । पर्साको सखुवाप्रसौनी गाउँपालिकाका अध्यक्ष जसवन्त यादव सहित ८ जना क्यासिनोमा भेटिए भन्ने घटनाको तथ्य भने फरक रहेको खुलेको छ । 

शनिबार राति पर्सा प्रहरीले सञ्चालन गरेको विशेष अभियानका क्रममा वीरगंजस्थित गण्डकको क्लार्क रिसोर्ट होटलमा रहेको क्यासिनोबाट अध्यक्ष यादवसहित ८ जनालाई नियन्त्रणमा लिएको छ । उनीहरुलाई वडा प्रहरी कार्यालय श्रीपुरमा राखिएको छ ।

यादव सहित उनका साथीहरुको टोली क्लार्क हाटेलमा गएको हो । स्वीमिङ्ग पुल एरियामा बसेर खानपीन गरेको पनि हो ।

यद्धपी यादव आफै “ननअल्कोहलिक” हुन उनीसंगै रहेका साथीहरुले क्यासिनो हेर्न खोजेपछि क्यासिनोका कर्मचारीहरुसंग क्यासिनो हेर्न प्रवेश अनुमती माँग गरियो । क्यासिनोका कर्मचारीले क्यासिनो प्रवेशको अनुमती दिएनन ।

क्यासिनो कर्मचारीले हेर्न जानेको समुह ठुलो भएपछि प्रवेश अनुमती दिन नखोजेको हो । होइन भने हेर्नकालागि चिने जानेका मान्छेहरुलाई क्यासिनो कर्मचारीले नै लगेर देखाइदिने सामान्य प्रचलन त छ नै । तर धेरै मान्छे भएपछि क्यासिनो कर्मचारीले भित्र जान अनुमती दिन चाहेका थिएनन ।

चिन जान मिात्रताका कारण उनीहरुले प्रवेश पाए । उनीहरुको प्रवेशको एउटा भिडयो बाहिरियो । त्यही भिडियोका कारण उनीहरुलाई प्रहरीले नियन्त्रणमा लिएको स्रोतको दावी छ ।

यद्धपी सखुवा प्रसौनी गाउँपालिका अध्यक्ष यसवन्त यादवले आफूले क्यासिनो नखेलेको र आफूलाई प्रहरीले क्यासिनो बाहिरबाट नियन्त्रणमा लिएको बताएका छन ।

 रक्सी खाइन तास खेलेको छैन क्यासिनोमा जुवा खेल्ने त झन सवालै छैन उनले भने “क्लार्क होटेलमा गएको हो फर्किने बेलामा क्यासिनो हेर्ने उत्सुकता भएपछि साथीहरु हेर्न गएका हुन  ।

क्यासिनोका संचालक युवराज अधिकारीले पनि साथीहरुको बचन हार्न नसकेर प्रवेश गर्न दिनु भनेको सम्झदै उहाँहरु क्यासिनोका खेलाडी नभएको र खेल्न प्रवेश नगरेको बताए ।

अधिकारीले बैठा सहितको टोलीले हेर्नकालागि प्रवेश गर्ने बित्तिकै प्रहरीको अप्रेशन भएको देखेर घटनालाई सुक्ष्म रुपमा अनुसन्धान गर्नु पर्ने बताउछन । 

स्रोतका अनुसार  यादव क्यासिनोमा प्रवेश गरेको कसैले भिडियो बनाएको र त्यो भिडियो नियोजित रुपमा बाहिर ल्याएको र त्यसैका आधारमा प्रहरीको अप्रेशन भएको छ ।

यद्धपी प्रहरीले होटेल क्लार्क र क्यासिनोमा  रहेको सबै सीसी टिभी फूटेजका अधारमा यादव सहितको टोलीको “मुभमेन्ट”को अनुसन्धान गरिरहेको जनाएको छ ।

त्यसबाटै तथ्य खुल्ने बताइएको छ । यस बिषयमा आवश्यक अनुसन्धान भइरहेको पर्सा प्रहरीका प्रवक्ता डिएसपी चक्र मल्लले जनाएका छन ।