स्पेनमा नेपाली राजदुतको सक्रियता बढ्दो

3/2/2018 गते 00 00 मा प्रकाशित 2243 पटक पढिएको

स्पेन,१८ फागुन । स्पेनका लागि नेपाली राजदूत भरत बहादुर रायमाझीले कुटनीतिक भेटघाटलाई ब्यापक बनाएका छन ।

राजदुतावासको काम कर्तव्य सुरू गर्नुपर्ने चटारोका बावजुद महामहिम राजदुत रायमाझीले स्पेनको उच्च तहमा कुटनीतिक छलफललाई तिव्रताका साथ बढाएका छन । उनले यसक्रममा स्पेनको विभिन्न प्रान्तिय सरकारका उच्च प्रतिनिधिहरू संगको भेटघाटले गति लिएको छ ।

राजदुत रायमाझीको आगमन संगै नेपालीहरू संगको भेटघाट तथा छलफल पछि नेपालीहरूलाई आईपर्ने समस्याहरु र नेपाल स्पेनको मित्रवत ब्यवहारमा सधैं हात्तेमालो गर्दै सहकार्य गर्न नेपाल आतुर रहेको भनेर विश्वस्त समेत पारेका छन ।

स्पेनमा आफ्नो ओहोदाको प्रमाणपत्र परराष्ट्र मार्फत राजालाई बुझाए लगतै आफ्नो काम कर्तव्यलाई प्राथमिकतामा राख्दै कुटनीतिक सम्बन्धलाई प्रगाढ बनाउदै उनले लगेका छन।

यसै क्रममा स्पेनको पाईस भास्को प्रान्तीय सरकारका अन्तराष्ट्रीय सम्बन्धका निर्देशक (परराष्ट्र मंत्री) लेईरे मादारिआगा गांगोईती र खुआन आगुआडो उर्किओला भेटघाट गरेका छन्।नेपालका हरेक क्षेत्रमा सहयोग गर्न तत्पर रहेको र सो का लागि छिट्टैनै एउटा बिशेष बैठक गर्नका लागि पाईस भास्को आतुर रहेको कुरा प्रान्तीय सरकारका अन्तराष्ट्रीय सम्बन्धका निर्देशक (परराष्ट्र मंत्री) लेईरे मादारिआगा गांगोईतीले बताइन ।

स्पेनको पाईसभास्को प्रान्तिय राज्यमा पाँच देखि छ सय जनाको बसोबास रहेको र नेपालीहरूले अहिले सम्म कुनैपनि नराम्रो गतिविधि नगरेकोमा खुशि ब्यक्त गर्दै राजदुत रायमाझीलाई परराष्ट्रमन्त्री लेईर मादारिआगा गांगोईतीले बताउँदा राजदुतले खुशी ब्यक्त गरेका थिए ।

सो भेटघाटमा समाजसेवी तथा नेपाल पर्यटन बोर्डका मानार्थ जनप्रतिनिधि एवं एनआरएनए युरोप उप(संयोजक एकराज गिरी पनि सहभागि थिए । नेपालका स्पानिस मित्र मियान भिन्यास पातो र युरोप उप(संयोजक एकराज गिरीको पहलमा सो भेटघाट तय गरिएको थियो।