मलेसियाको सारावकमा रहेको ब्यापारिक केन्द्रमा बिष्फोट तीनको ज्यान गयो

12/5/2018 गते 00 00 मा प्रकाशित 1530 पटक पढिएको

काठमाण्डौ १९ मंसीर ।
मलेसियाको सारावाक राज्यमा एक व्यापारिक केन्द्रको भवनमा भएको शक्तिशाली विस्फोट परी कम्तीमा तीन जनाको मृत्यु भएको छ भने २४ जना घाइते भएका छन ।
ग्यास ट्याङ्कीमा चुहावट भएका कारण बिष्फोट भएको भएको मलेसियाको सरकारी संचारमाध्यमले जनाएका छन ।

सारावाक राज्यको राजधानी कुचिङको अग्नी नियन्त्रण विभागका प्रमुख वान अब्दुल मुबिनले एएफपीलाई दिएको जानकारी अनुसार घटना ग्रीनवीच समय अनुसार विहान ७ ः३७ मा भएको थियो ।

विभागले घटनाबारे जानकारी प्राप्त गरे लगत्तै ३९ जनाको अग्नी नियन्त्रक टोली घटनास्थलमा पुगी घाइतेहरूको उद्धार गरेको उनले बताए। विगत केही बर्ष यता त्यस शहरमा यस किसिमको विस्फोट भएको थिएन र मङ्गलबारको घटनाबारे अनुसन्धान भइरहेको छ । विष्फोटमा कुनै वमको प्रयोग नभएको प्रारम्भीक अनुसन्धानबाट थाहा हुन आएको छ ।”

वान अब्दुलले भने, “घटना तीन जनाको मृत्यु भएको छ २४ जना घाइते भएका छन् । घाइते सबै जनालाई उपचारका लागि स्थानीय अस्पतालहरूमा पठाइएको छ ।”

विष्फोट पुननिर्माण भइरहेको भवनको भुईंतलामा रहेको भण्डारमा भएको वान अब्दुलले जानकारी बताए।

घटनापछि उक्त स्थानमा खिचिएको सञ्चारमाध्यमबाट प्रशारित भिडियोमा भवनको भण्डार रहेको कोठा पूर्णरूपमा क्षति भएको र केही व्यक्ति सहयोगका लागि चिच्याइरहेको देखिएको छ । यसबारे थप विवरण अनुसन्धानपछि आउने अधिकारीहरूले जनाएका छन् ।