एनडीएबाट अगल भयो जदयु ,भारतको बिहारमा आठौ पटक नितिशले शपथ लिने

इसीमाना सम्वाददाता २०७९ सावन २४ गते ०८: ३० मा प्रकाशित 685 पटक पढिएको

भारतको बिहारका मुख्यमंत्री नीतीश कुमारले मंगलवार एनडीएको मुख्यमंत्री पदबाट राजीनामा दिनै बित्तिकै उनी महागठबन्धनको नेता चुनिएका छ ।

यो संगै उनले फेरी सरकार बनाउने दावी पेश गरेका छन । उनीसंग महागठबन्धन सहित स्वतन्त्र बिधायकहरु गरि १ सय ६४ को संख्या जुटेको छ ।

राजद प्रमुख तेजस्वी यादवका साथमा राज्यपाल फागू चौहानलाई भेटे पछि नितिशले संचार माध्यमसंग सरकार बनाउन यथेष्ट मत रहेको बताए । जनता दल युनाइटेडको बैठक पछि कुमारले राज्यपाललाई भेटेर राजगको मुख्यमंत्रीको हैसियतबाट राजीनामा दिएका थिए ।

त्यसपछि नितिश पूर्व मुख्यमंत्री राबड़ी देवीको आवासमा पुगेका थिए । जाहा महागठबन्धनका सबै नेताहरु पहिला नै उपस्थित भइसकेका थिए ।

त्यहा आधी घण्टा बिताएका नितिह कुमारले बिहार बिधान सभामा प्रतिपक्षी दलका नेता तेजस्वी यादवसंग सर्मथन पत्र लिएर पर्के । त्यसको १५ मिने पछि बिहारका राज्यपाललाई भेटेर नितिशले सरकार बनाउने दावी पेश गरे ।

नितिहका साथमा तेजस्वी यादव, पूर्व उपमुख्यमंत्री जीतनराम मांझी जदयूका वरिष्ठ नेता संगै थिए । महागठबंधनमा राष्ट्रीय जनता दल (राजद), कांग्रेस र वाम दल शामिलछन ।

तेजस्वी यादवले आफूहरु समाजवादी भएको चर्चा गर्दै उनले लालु यादव र नितिश कुमारलाई धन्यवाद दिए । भाजपा नेता आणवानीको रथ लालु यादवले रोकेको स्मरण गर्दै भाजपाको ऐजेण्डा बिहारमा चल्न नदिने बताए ।

भाजपाका प्रदेश अध्यक्ष संजय जयसवालले भने बिधान सभा चुनाव मार्फत बिहारका जनताले ब्यक्त गरेको जनादेशका साथ नितिश कुमारले बिश्वासघात गरेको बताए । यसको जवाफ बिहारका जनताले दिने उनले बताए ।

नितिश कुमारको यो कदमलाई महागठबन्धनमा भएका दलका नेताहरुले समाजिक संजाल मार्फत आफनो समर्थन जाहेर गरेका छन ।

भोली बिहारमा नितिश कुमारले आठौ पटक मुख्यमंत्रीको शपथ लिने तय भएको छ । उनीसंगै तेजवस्वी यादवल उपमुख्यमंत्रीको रुपमा शपथ लिने छन । पटनाको राज्य भावनमा भोली २ बजे शपथ ग्रहणको आयोजना हुने भारतीय संचारमाध्यमले जनाएका छन ।