भारतीय कांग्रेस पार्टीको अध्यक्ष खडगे निर्वाचित, लामो समय पछि गान्धी परिवारको हात बाहिर कांग्रेसको नेतृत्व

इसीमाना सम्वाददाता २०७९ कार्तिक २ गते ०८: २० मा प्रकाशित 612 पटक पढिएको

भारतीय कांग्रेस पार्टीका वरिष्ठ नेता मल्लिकार्जुन खड़गे बुधवार पार्टीको नयाँ अध्यक्षमा निर्वाचित भएका छन ।

उनले आफ्ना प्रतिद्वण्दी शशी थरुरलाई ६ हजार ८ सय २५ मत अन्तरले पराजित गरे । कांग्रेसको निर्वाचन प्राधिकरणका प्रमुख मधुसूदन मिस्त्रीले मल्लिकार्जुन खड़गे लाई निर्वाचित घोषणा गरेका थिए ।

उनका अनुसार खडगेलाई ७८९७ मत प्राप्त भएको थियो । थरुरलाई जम्मा १०७४ मत प्राप्त भएको थियो । मिस्त्रीका अनुसार चुनावमा ९३८५ मत खसेको थियो । यसमा ४१६ मत बदर भएको थियो ।

थरूरले मत परिणामको आधिकारिक घोषणा पहिला नै आफनो हार स्वीकार गरेर खडगेलाई बधाई दिएका थिए । थरुरले अन्तिम फैसला खडगेको पक्षमा रहेको बताउदै कांग्रेसको चुनावमा बिजयी हासिल गरेकोमा म उहाँलाई बधाई दिन्छु भनेका छन ।

उहाँ कांग्रेसको अध्यक्ष बन्नु निकै सम्मान, ठुलो जिम्मेदारीको बिषय हो खडगेले बिजयी हासिल गरेकोमा म उहाँलाई बधाई दिन्छु थरुरले भनेका छन । उनले निकै संकटपूर्ण अवस्थामा पार्टीको सफल नेतृत्व गर्नुहुने सोनीया गाँधीको ऋणी रहेका बताएका छन भने उनले राहुल गान्धी र प्रियंका गान्धीलाई धन्यवाद दिएका छन । कांग्रेसको यो निर्वाचनसंगै झण्डै अढाई दशक पछि भारतीय कांग्रेसको नेतृत्व गान्धी परिवार भन्दा बाहिर पुगेको छ ।