logo

संसारमै संक्रमण घटदो, ३९ लाख ३८ हजार पाँच सय ५६ जनाको मृत्यु,१८ करोड बढी संक्रमीत

      6/28/2021 गते 00 00 मा प्रकाशित     1485   पटक पढिएको

विश्वमा पछिल्लो २४ घण्टामा पाँच हजार सात सय ८५ सङ्क्रमितको मृत्यु भएको छ । कोरोना भाइरसको संक्रमणबाट मृत्यु हुनेको संख्या भने ओरालो लाग्न थालेको छ ।

 

महामारीले अवस्था जर्जर बनाउँदा कोरोनाका कारण विश्वमा एकै दिन १४ हजारभन्दा बढीको मृत्यु हुने गरेको थियो । विश्वभर हालसम्म ३९ लाख ३८ हजार पाँच सय ५६ जना सङ्क्रमितको मृत्यु भइसकेको छ ।  

 

एकै दिन तीन लाख पाँच हजार सात सय ४१ जना नयाँ बिरामी थपिए । यसअघि दैनिक सात लाखभन्दा बढी सङ्क्रमित विश्वमा थपिन्थे । सङ्क्रमित सङ्ख्या १८ करोड १८ लाख ४८ हजार चार सय ९३ पुगेको छ ।

 

कोरोना भाइरस सङ्क्रमणका कारण अमेरिकामा एक दिनमा मृत्यु हुनेको सङ्ख्या एक सयभन्दा तल झरेको छ । 

अमेरिका कोरोनाबाट प्रभावित हुनेमध्ये विश्वकै पहिलो नम्बरमा रहेको मुलुक हो । पछिल्लो २४ घण्टामा अमेरिकामा ९२ जनाको मृत्यु भएको छ । एक दिनमा एक सयभन्दा कम सङ्क्रमितको मृत्यु भएपछि अमेरिकाले लगभग कोरोना महामारी नियन्त्रणमा निक्कै सफलता प्राप्त गरेको रूपमा लिइएको छ । 

महामारी उत्कर्षमा पुग्दा अमेरिकामा एक दिनमा कोरोनाका कारण दुई हजारभन्दा बढीको मृत्यु हुने गरेको थियो । अमेरिकामा हालसम्म कोरोनाका कारण छ लाख १९ हजार चार सय ३४ जनाको मृत्यु भइसकेको छ । 

अमेरिकामा  हालसम्म तीन करोड ४४ लाख ९४ हजार पाँच सय ७५ जना अमेरिकी नागरिकमा कोरोनाको सङ्क्रमण पुष्टि भइसकेको छ । 

 

सङ्क्रमितमध्ये दुई करोड ८९ लाख २७ हजार तीन सय ३५ जना उपचारपछि निको हुँदै कोरोनामुक्त बनेर सामान्य जीवनमा फर्किएका छन् ।  ४९ लाख ४७ हजार आठ सय छ जना सङ्क्रमित उपचाररत रहेकोमा तीन हजार आठ सय ३८ जनाको अवस्था चिन्ताजनक छ । 

 

नेपालसँग खुला सीमा रहेको छिमेकी मुलुक भारतमा एकै दिन नौ सय ८१ जनाको मृत्यु भएको छ । भारतमा पनि दैनिक मृत्यु दर घट्दै गइरहेको छ । कोरोनाको दोस्रो भेरियन्टमा विश्वमै सबैभन्दा बढी प्रभावित बनेको भारतमा एक दिनमा छ हजारभन्दा बढीको मृत्यु कोरोनाका कारण हुने गरेको थियो । 

 

हालसम्म भारतमा कोरोनाबाट चार लाख ९६ हजार सात सय ६१ जनाको मृत्यु भइसकेको छ । पछिल्लो २४ घण्टामा ४६ हजार छ सय ४३ जना नयाँ बिरामी थपिए । यसअघि दैनिक चार लाखभन्दा बढी सङ्क्रमित थपिन्थे । 

त्यो सङ्ख्या अहिले क्रमस घट्दै गएर ५० हजारभन्दा तल झरेको छ । भारतमा सङ्क्रमित सङ्ख्या तीन करोड दुई लाख ७८ हजार नौ सय ६३ पुगेको छ । दुई करोड ९३ लाख दुई हजार दुई सय ६० जना सङ्क्रमणमुक्त बनिसकेका छन् । 

 पाँच लाख ७९ हजार नौ सय ४२ जना सङ्क्रमितको उपचार भइरहेकोमा आठ हजार नौ सय ४४ जनाको अवस्था गम्भीर छ । भारत कोरोनाका कारण प्रभावित हुनेमध्ये विश्वकै दोस्रो नम्बरमा रहेको मुलुक हो । 

 

ब्राजिलमा हालसम्म कोरोनाका कारण पाँच लाख १३ हजार पाँच सय ४४ जनाको मृत्यु भइसकेको छ । ब्राजिलमा सङ्क्रमित सङ्ख्या एक करोड ८४ लाख २० हजार पाँच सय ९८ पुगेको छ । एक करोड ६६ लाख १३ हजार नौ सय ९२ जना उपचारपछि कोरोनामुक्त बनिसकेका छन् । 


१२ लाख ९३ हजार ६२ जनाको उपचार जारी रहेकोमा आठ हजार तीन सय १८ जनाको अवस्था चिन्ताजनक छ । ब्राजिल कोरोनाका कारण प्रभावित हुनेमध्ये विश्वकै तेस्रो नम्बरमा रहेको मुलुक हो । संक्रमण ब्राजीलमा पनि घट्दो छ ।

बिश्वमा १६ करोड ६३ लाख ६१ हजार चार सय ९६ जना उपचारपछि निको भएका छन् । एकै दिन दुई लाख ९४ हजार चार सय ६१ जना सङ्क्रमणमुक्त भएका छन् । एक करोड १५ लाख ४८ हजार चार सय ४१ जनाको उपचार जारी रहेकोमा ८० हजार चार सय ४७ जनाको अवस्था गम्भीर छ । 

 

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु




सीमापारी/अन्तराष्ट्रिय

प्रवासी नेपाली मंच स्लोभाकियाको अध्यक्षमा रुद्र किसन चयन

बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले  ३१ सदस्यीय कार्यसमिति सर्वसम्मत चयन गरेको हो।

गैरआवासीय नेपाली संघ, राष्ट्रिय समन्वय परिषद बेल्जियमको अध्यक्ष नेपाल सर्वसम्मत

बेल्जियम । गैरआवासीय नेपाली संघ, राष्ट्रिय समन्वय परिषद बेल्जियमको १० औं राष्ट्रीय महाधिबेशनले लोकेन्द्र नेपाललाई अध्यक्षमा सर्वसम्मत चयन गरेको छ ।

भिजिट भिसा प्रकरण ,पत्रकार महासंघ युकेको स्पाष्टोक्ति, गरिमा ख्याल राख्न अपिल

वीरगंज। नेपाल पत्रकार महासंघ यूकेले अधिवेशनको सन्दर्भमा ‘दर्जनभन्दा बढी व्यक्तिले भिजिट भिसा लिएको आशंका’ भन्दै आएका समाचारप्रति गम्भीर आपत्ति जनाएको छ।

समाज

रुबी साह हत्या प्रकरणका मुख्य आरोपी  पासवानको उपचारका क्रममा मृत्यु

वीरगन्ज । रौतहटको रुबी साह हत्या प्रकरणका मुख्य आरोपी लक्ष्मण पासवानको उपचारका क्रममा मृत्यु भएको छ। बुधबार उनले अगो लगाएर आत्महत्याको प्रयास गरेका थिए।

नागरिकको शान्ति सुरक्षा  र सरकारी सेवा प्रवाहको सुगम बनाउनु मेरो दायित्व होः प्रजिअ सुवेदी

वीरगंज । पर्साका प्रमुख जिल्ला अधिकारी  तोयनारायण सुवेदीले नागरिकको शान्ति सुरक्षा कायम राख्दै सरकारी कार्यालयमार्फत प्रवाह हुने सेवा–सुविधालाई व्यवस्थित बनाउने आफ्नो प्रमुख दायित्व हुने बताएका छन्।

खेलकुद

क्रिकेटर सन्दीप लामिछानेको सम्मानमा उनको जन्मगाउँमा क्रिकेट रङ्गशाला बनाउन शुरू

स्याङ्गजा । नेपाली राष्ट्रिय क्रिकेट टिमका पूर्व कप्तान क्रिकेटर सन्दीप लामिछानेको सम्मानमा स्याङ्जामा क्रिकेट रङ्गशाला बनाउन शुरू गरिएको छ ।

राष्ट्रपति रनिङ शिल्डमा वीरगंजको लगातार तेस्रो जीत

वीरगंज  । वीरगंज महानगरपालिकाले लगातार तेस्रो वर्ष राष्ट्रपति रनिङ शिल्ड प्रतियोगितामा प्रथम स्थान हासिल गर्दै शिल्ड आफ्नो स्थायी स्वामित्वमा ल्याएको छ ।
सम्पादक

कृष्णचन्द्र लामिछाने

९८५५०२२४९७

बीरगंज १४, पर्सा

सम्पर्क

सीमाना मिडिया प्रा.लि.
बीरगंज १४, पर्सा
सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2021 Simana Media Pvt. Ltd.

Design and Development by Cyberlink Pvt. Ltd.