बीरगंज ४ फाल्गुण ।
पटेर्वा सुगौली गाउँपालिकाको प्रथम गाउँसभा सम्पन्न भएको छ । आर्थिक वर्ष ०७४/०७५ को बाँकी अवधीकोलागि करिव २४ करोड रुपैया बिनियोजन गरिएको वडा नं २ का अध्यक्ष बिजय गैरेले बताए ।
गाउँपालिका अध्यक्ष हरिनारायण चौधरीले गाउँसभामा नीति तथा कार्यक्रम प्रस्तुत गरेका थिए ।
गाउँसभाले गाउँपालिका भित्र स्तरीय स्टेडियम,कोल्डस्टार्स पशु चिकित्सालय, गाउँपालिका भित्रका सबै नदीहरुमा पूल निर्माण गर्ने बजेट तथा नीतिमा उल्लेख गरिएको गाउँपालिका प्रमुख चौधरीले बताए ।
रंगपुरमा रहेको बिद्यालयलाई उच्च माविको रुपमा संचालन गर्ने सबै बिद्यालयको भौतीक पूर्वाधार निर्माण गरिने पर्यटकहरुकोलागि आकर्षणको केन्द्र निर्माण गर्नकालागि या आर्थिक वर्षमा एउटा भ्यू टावर निर्माण गरिने नीति तथा कार्यक्रम पारित भएको अध्यक्ष चौधरीले बताए ।
कार्यक्रममा बजेट तथा नीतिका बिषयमा वडा नं १ का अध्यक्ष फरमान मिया ,३ का माधव दास थारुले आफनो बिचार ब्यक्त गरेका थिए । भने बजेट बिनियोजीत कार्यक्रम वडा नं २का अध्यक्ष बिजय गैरेले प्रस्ुतत गरेका थिए ।
कार्यक्रममा गाउँ पालिका उपाध्यक्ष ममता महतोले स्वागत मन्तब्य ब्यक्त गरेकी थिइन ।
तपाईको प्रतिक्रिया