पहिलो वार्ता निष्कर्ष बिहिन टुङ्गियो

2/20/2018 गते 00 00 मा प्रकाशित 2924 पटक पढिएको

वीरगञ्ज, ८ फागुन : प्रदेश नम्बर २ को राजधानी वीरगञ्जलाई बनाउनुपर्ने माग राखेर आन्दोलन गरिरहेको संर्घष समिती र सरकारी वार्ता टोली बीचको वार्ता बिना निष्कर्ष टुुगिंएको छ । प्रदेश सरकार र संघर्ष समितीबीच पहिलो पटक भएको सम्वाद विना निष्कर्ष टुंगिएको हो । मंगलबार बिहान वीरगञ्जमा दुई पक्षबीच सम्वाद थालनी भएको थियो ।

सम्वादमा प्रदेश २ का भौतिक पूर्वाधारमन्त्री जितेन्द्र सोनलले आन्दोलन स्थगित गर्न आग्रह गरेका थिए । तर, संघर्ष समितीले आफ्नो अडान यथावत राखेपछि वार्ता निष्कर्षमा पुग्न नसकेको हो । संघर्ष समितीका संयोजक सुरेन्द्र चौधरीले सरकारी टोलीले आन्दोलन स्थगित गर्न भने पनि आफूहरुले माग पुरा नभएसम्म आन्दोलन स्थगित नगर्ने बताए । संघर्ष समितीले फागुन पछि आन्दोलनलाई अझै सशक्त पार्ने चेतावनी दिएको पनि उनले बताए ।

मुख्यमन्त्री लालबाबु राउतले संघर्ष समितीसँग वार्ता गर्ने जिम्मा मन्त्री सोनललाई दिएका छन् । मन्त्री सोनलले वार्ता सकारात्मक भएको र संवादलाई निरन्तरता दिने सहमति भएको जनाए । संर्घष समितीका तर्फबाट सहसंयोजक राजकुमार गुप्ता, बसरुद्दिन अंसारी, शम्भु गुुप्ता, अरबिन्द गुुप्ता, मनोज चौधरी, बाबुराम कौशिक लगायत वार्तामा बसेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।