पानी दर्कीरहेको छ । छातीमा राष्ट्रिय झण्डा बोकेका युवाहरुको एउटा हुल बीरगंजको घण्टाघरबाट शहरको मुख्य भाग आदर्शनर तर्फ लाग्यो । उनीहरुको अग्रभागमा प्रधानमंत्री केपी ओलीको ठुलोे तस्विर सहितको ब्यानर छ । देशको मुहार फेर्नु छ साथी पार्टी भन्दा राष्ट्र माथि भन्ने नारा ब्यानरमा लेखिएको छ । 

झमझम पानीमा रुज्दै प्रर्दशनमा उत्रिएका युवाहरमा भारतप्रति खास आक्रोश छ । उनीहरु भारतीय बिस्तारबाद मूर्दाबाद  । आजकालागि होइन भोलीलाई मेरो साथ ओलीलाई ,बिदेशी हस्तक्षेप मूर्दावाद ,नयाँ प्रधानमन्त्री आम निर्वाचनपछि बन्ने हो, अस्थिरता निम्त्याउनेहरु होसियार, हाम्रो मत स्थायी सरकारलाई हो, विदेशी दलाल मुर्दाबाद,’ लेखिएका प्ले कार्ड बोकेर गगन भेदी नारा लगाउदै  नगर परिक्रमा गरे ।

उनीहरु प्रधानमंत्री केपी ओलीलाई अप्ठयारोमा पार्ने, सत्ताच्यूत गर्ने सम्मको खेल भएको भन्दै त्यस बिरुद्ध प्रधानमंत्रीको पक्षमा प्रर्दशनमा उत्रिएका हुन । 

भारतले नेपालको सत्ताधारी दल फूटाउन खोजेको कुरा नेपाली तथा भारतीय संचारमाध्यममा निकै प्रकाशन र प्रशारण भइरहेको पृष्ठभूमीमा  पार्टी भित्रैबाट प्रधानमंत्री ओलीको राजीनामा माँग गरिएपछि बीरगंजमा पनि युवाहरुले राष्ट्रवादी अडान राख्ने प्रधानमंत्री ओलीलाई हटाउन हुदैन भन्दै प्रर्दशन गरेका हुन ।

स्वतन्त्र युवा सामाजको नाममा यो प्रर्दनश गरिएको थियो । हनिफ मियाको नेतृत्वमा निस्केको युवाहरुको प्रर्दशन गरेका हुन । प्रर्दशन पछि घण्टाघरमा आयाजना गरिएको कोण सभामा मियाले नागरिकता बिधयेकको चर्चा गर्नु भयो । संसारको कुन देशमा अंगिकृत नागरिकलाई आजको भोली नागरकिता दिने प्रचलन छ भन्दै प्रश्न गर्नु भयो ।

नेपालमा बैबाहिक अंगिकृतकालागि नागरिकता दिने बिषयमा राखिएको हदम्याद देश अनुकुल भएको चर्चा गर्दै बिदेश दलालहरु यसको बिरुद्ध लागेको टिप्पणी गर्नु भयो । उहाँले मुलुकको हितमा राम्रो अडान लिने र प्रगतीशिल काम गर्ने प्रधानमंत्री ओलीलाई पदबाट हटाउने षडयन्त्र बन्द गर्न चेतावनी दिनु भयो । 

कोण सभामा युवा नेता अकलेश साहले पनि मन्तब्य ब्यक्त गर्नु भएको थियो । यस अघि प्रर्दशन केन्दीत रहेर नेकपा महानगर कमिटीका अध्यक्ष रहबर अन्सारी यन्चार्ज दिनेश राईले बिज्ञप्ति नै जारी गरेर प्रर्दशन नगर्न आग्रह गर्नु भएको थियो । त्यस्तै नेकपा पर्साका इन्चार्ज रामचन्द्र साहले पनि प्रर्दनश नगर्न आम कार्यकर्ताहरुलाई अपिल गर्नु भएको थियो । 

अहिलेको समय प्रधानमन्त्रिलाई हटाउने नभई विश्वभरी महामारीका रुपमा फैलिएको कोरोना भाईरसलाई हटाउने समय भएको भन्दै विरोधमा सहभागिहरुले आक्रोश पोखेका थिए । बिहान परेको झरीको प्रवाह नगरी प्रधानमन्त्रि ओलिको समर्थनमा प्रदर्शन गरिएको हो ।