पर्सा १ मा रास्वपा उम्मेदवार हरि पन्तप्रति समर्थन बढ्दो, प्रदेशी पनि उत्रिए मत माग्न
वीरगन्ज । पर्सा जिल्लाको प्रतिनिधिसभा क्षेत्र नम्बर–१ बाट राष्ट्रिय स्वतन्त्र पार्टी (रास्वपा) का उम्मेदवार हरि पन्तप्रति मतदाताको आकर्षण बढ्दो छ।
विशेषगरी वीरगन्जका व्यवसायी र युवा उद्यमीहरूमाझ पन्त लोकप्रिय बन्दै गएको स्थानीयको भनाइ छ।
रास्वपाको नेतृत्व तहमा सक्रिय भूमिका निर्वाह गर्दै आएका पन्त निर्वाचन घोषणापछि पर्सा–१ बाट उम्मेदवार बनेसँगै चुनावी माहोल थप उत्साहपूर्ण बनेको छ।
नयाँ पार्टी र नयाँ अनुहारप्रति मतदाताको चासो बढिरहेको बेला भोजपुरी चलचित्र क्षेत्रका चर्चित कलाकार प्रदेशी साहले समेत पन्तको पक्षमा प्रचारमा उत्रिएपछि चुनावी वातावरण थप तातिएको छ।
पन्तले वीरगन्जको आर्थिक र सांस्कृतिक विकासका लागि व्यक्तिगत तथा संस्थागत रूपमा योगदान दिँदै आएको स्थानीयको भनाई छ ।
चलचित्र निर्माता समेत रहेका उनले वीरगन्जमै पहिलो पटक ऐतिहासिक स्वर्णिम चलचित्र महोत्सवको आयोजना गरेका थिए, जसले सहरको सांस्कृतिक पहिचानलाई थप उजागर गरेको थियो।
पन्तद्वारा निर्माण गरिएको चलचित्र ‘मेला’ दर्शकमाझ लोकप्रिय बनेको थियो भने समाजका यथार्थ कथालाई पर्दामा उतार्ने क्षमताका कारण उनी फरक पहिचान बनाएका व्यक्तित्वका रूपमा चिनिन्छन्।
भोजपुरी र नेपाली चलचित्र क्षेत्रमा चर्चित कलाकार प्रदेशी साह अहिले पन्तलाई विजयी गराउन सक्रिय रूपमा चुनावी अभियानमा जुटिरहेका छन्।
साह ‘एसपी खरेल’ जस्ता चर्चित भोजपुरी चलचित्रका निर्माता पनि हुन्। रास्वपामा देशभरका विभिन्न कलाकारहरूको सहभागिता बढ्दै गएको र कतिपय कलाकारहरू समानुपातिकतर्फका उम्मेदवारको बन्दसूचीमा समेत परेका छन्।
चुनावी सभाहरूमा बोल्दै उम्मेदवार हरि पन्तले पुराना राजनीतिक दलहरूले जनअपेक्षा अनुसार काम गर्न नसकेको दाबी गर्दै अब नयाँ सोच र नेतृत्वमार्फत देशलाई अगाडि बढाउन आवश्यक रहेको बताए। उनले मतदातालाई एकपटक घण्टी छापमा मत दिएर परिवर्तनको पक्षमा उभिन आग्रह गरेका छन्।
सम्बन्धित शीर्षकहरु
सीमापारी/अन्तराष्ट्रिय
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
विपद्मा परिचालन हुने स्वयंसेवककालागि विस्तारित पुनर्ताजगी तालिम सम्पन्न
वीरगञ्ज । मनसुनजन्य तथा अन्य प्राकृतिक एवं मानवजन्य विपद्को प्रभाव न्यूनीकरणका लागि सशस्त्र प्रहरी बल, नेपाल नं. १३ गण हेडक्वार्टर पर्साले सञ्चालन गरेको तीनदिने “विपद् स्वयंसेवक परिचालन विस्तारित पुनर्ताजगी तालिम” सम्पन्न भएको छ।
महानगरको कार्यवाहक प्रमुखमा आलम, कर्मचारीले गरे राहतको अनुभव
वीरगञ्ज । वीरगञ्ज महानगरपालिकाका उपप्रमुख इम्तियाज आलमले कार्यवाहक नगरप्रमुखको जिम्मेवारी सम्हालेका छन ।
खेलकुद
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
मधेस प्रदेश स्तरीय राष्ट्रपति रनिङ शिल्ड छनोट प्रतियोगिता शुरु ,पूर्वमन्त्री जयसवालले गरे उद्धघाटन
सिमरा । मधेस प्रदेश स्तरीय राष्ट्रपति रनिङ शिल्ड छनोट प्रतियोगिता मंगलबारदेखि सिमरामा सुरु भएको छ । राष्ट्रिय स्तरको राष्ट्रपति रनिङ शिल्ड प्रतियोगितामा सहभागी हुने खेलाडी छनोट गर्ने उद्देश्यले प्रतियोगिता आयोजना गरिएको हो ।
तपाईको प्रतिक्रिया