हिन्दी भाषाको प्रयोगले नाखुश छन भोजपुरी भाषी

2/5/2018 गते 00 00 मा प्रकाशित 1872 पटक पढिएको

बीरगंज २२ माघ ।
प्रदेश नम्बर २ को पहिलो बैठकमा प्रयोग भएको हिन्दी भाषाका कारण सामाजिक संजालमा कडा प्रतिक्रियाहरु ब्यक्त भइरहेका छन ।
प्रदेश सभाको पहिलो बैठकमा संघीय समाजवादी फोरम नेपालका तर्फबाट संसदीय दलको नेतामा सर्वसम्मत चयन भएका लालबाबु राउत गद्धी र राजपाका महासचिव जितेन्द्र सोनलले हिन्दी भाषामा आफनो भनाइ राखेका थिए । अन्य दलका तर्फबाट नेकपा एमालेका सत्यनारायण मंण्डल,शत्रुघ्न महतो नेपाली कांग्रेसका रामसरोज यादव नेकपा माओवादीका भरत यादव लगायतले आफनो मातृभाषा मैथलीमा आफना भनाई राखेका थिए ।

भोजपुरी मातृभाषा भएकाले समेत हिन्दी भाषाको प्रयोग गरेको भन्दै राउत र सोनलको भाषाप्रति सम्मान जाहेर गर्न चाहनेहरुले आलोचना गरेका छन ।

आफनो मातृभाषा प्रयोग गर्न लाज मान्नेहरुले पहिचानको कुरा गर्नु नै बिडम्बाना भएको तर्क जर्वजस्त रुपमा उठन थालेको छ । सामाजिक संजालमा हिन्दीभाषा प्रति देखिएको मोहका बिषयमा कडा टिप्पणीहरु आएका छन । ,शम्भू कुमार सुमनले भोजपुरी भाषामा “यि नेता ना गुलाम हउसन” टिप्पणी गरेका छन । यि नेता होइनन गुलाम हुन सुमनले लेखेको प्रतिक्रियाजस्तै अरुले पनि कडा प्रतिक्रिया दिएका छन ।

नवनित अग्रवाल(सोनु) ले भारतीय महावाणिज्यदुतावासको इशारामा यस्तो भएको उल्लेख गरेका छन । उनले दुतावासले जे भन्छ त्यही गर्ने हुन आखिर तलव भत्ता उतैबाट आउने हो क्यारे भनेर ब्यङ्य समेत गरेका छन । मित्रदेव मधेशीले “भारतीय दलाल हुन ” भनेका छन ।

मिथिला क्षेत्रबाट निर्वाचित भएका नेताहरुले आफनो मातृभाषामा भनाई राखेको देख्दा भोजपुरी भाषी जनताले पनि आफनो नेताले आफनै भाषामा भनाई राखेको भए राम्रो हुन्थ्यो भनेर ठान्नु स्वभाविक नै हो । तर मैथील नेताहरुले बोलेको भोजपुरी क्षेत्रका नागरिकले नबुझेपनि केही नहुने तर भोजपुरी क्षेत्रका नेताले आफूले बोलेको सबैले बुझ्नु पर्ने भन्दै हिन्दीमा बोल्नुलाई भोजपुरी भाषी नागरिकले ठिक ठानेका छैनन ।

पत्रकार मोनिका खतिवडाले भने हिन्दी भाषा प्रयोगको बचाउ गरेकी छिन । उनले सामाजिक संजालमा हिन्दी भाषा प्रयोग भएको देखेर अरु प्रदेशका मान्छेहरुले दुई नम्बर प्रदेशका जनताको चित्त दुख्ने गरि टिप्पणी गर्न नहुने उल्लेख गरेकी छिन । उनले नेपाल पहाडेको मात्र हैन मधेशीको पनि हो नेपाल दौरा लाउनेको मात्र होइन धोती लाउनेको पनि हो भन्दै हिन्दीको प्रयोगलाई अनुचित ठान्न नहुनेमा जोड दिएकी छिन ।