अनुभूतीमा एक दिने ब्यक्तित्व तथा नेतृत्व बिकास तालिम सम्पन्न

2/10/2018 गते 00 00 मा प्रकाशित 1302 पटक पढिएको

बीरगंज २७ माघ ।
बीरगंजको अनुभूती कलेजमा नेतृत्व तथा ब्यक्तित्व बिकास तालिम सम्पन्न भएको छ । कलेजमा रहेको युवा समुहको आयोजनामा तालिम संचालन भएको हो ।

कलेजको कक्षा ११ र १२ का ३५जना छात्र छात्राको सहभागिता रहेको थियो । तालिममा कलेजका निर्देशक सुमन कार्कीले बिदार्थीहरुलाई गतिशिल बन्न आग्रह गरे । उनले आजकलका बिदार्थीहरु प्रविधि आश्रीत भएको चर्चा गर्दै प्राज्ञिक ज्ञान हासिल गर्न अल्छी बन्दै गएको चर्चा गरे ।

उनले आफनो कलेजका प्रारम्भका दिनको स्मरण गर्दै यो उमेरमा सहिबाटो समात्नु पर्नेमा जोड दिए ।
युवा समुहका अध्यक्ष अंकुश ब्याहुतको अध्यक्षतामा भएको कार्यक्रममा इन्सेक पर्साका प्रतिनिधि के.सी.लामिछानेले ब्यक्तित्व निर्माणको दिशामा बिद्यार्थीहरुले फोकस गर्नु पर्नेमा जोड दिए ।

उनले अतिरिक्त क्रियाकलापहरुमा भाग लिने बानीले ब्यवहारिक ज्ञानको दायरा फराकिलो हुनुका साथै समाज सभ्यता र संस्कृति बुझ्न सहज हुने बताए ।

कार्यक्रममा शिक्षक एवं चर्चित पत्रकार उज्वल घिमिरेले नेतृत्व तथा ब्यक्ति बिकासका बिषयमा बिद्यार्थीहरुलाई प्रशिक्षण दिएका थिए । कार्यक्रममा बिद्यार्थीहरुको तर्फबाट बिवेक कर्ण ,एन्जिला प्रजापती र रानी कलवारले मन्तब्य ब्यक्त गरेका थिए ।