बीरगंज २९ माघ। काठमाडौं महानगरपालिका–३१ बस्ने ३१ वर्षीय सलिम दिनलाई नाइट्रोभेट २ सय ९३ ट्याब्लेट, खैरो हेरोइन २० ग्राम, डाइजेपाम १ सय एम्पुल, बिप्रोनोर्फिन ९९ एम्पुल र फेनरागन १ सय एम्पुल लागू औषध सहित प्रहरीले पक्राउ गरेको छ ।
मकवानपुर हेटौंडा उपमहानगरपालिका–१५ रातोमाटे चेकपोष्टमा खटिएको प्रहरीले वीरगंजबाट हेटौंडातर्फ जाँदै गरेको ना १ ज २०२२ नम्बरको गाडीलाई जाँच गर्दा गाडीमा सवार सलिमको साथमा उक्त परिमाणको लागू औषध फेला परेको हो ।
त्यस्तै कलैया उपमहानगरपालिका–८ बस्ने २६ वर्षीय अख्तर हुसेनलाई २५ ग्राम बराबरको ब्राउन सुगर सहित आइतबार प्रहरीले पक्राउ गरेको छ ।
प्रसौनी गाउँपालिका–२ दुधौरा पुलमा प्रहरीले सवारी साधन जाँच गर्ने क्रममा बीरगंजबाट कलैयातर्फ जादै गरेको ना.३ प. ७९७७ नम्बरको मोटरसाइकलको डिक्कीभित्र लुकाईछिपाई लगिएको उक्त लागूऔषध सहित अख्तरलाई पक्राउ गरेको हो ।
घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।
तपाईको प्रतिक्रिया