सूचना माग्ने अभियान्तलाई धम्की

2/14/2018 गते 00 00 मा प्रकाशित 1631 पटक पढिएको

बीरगंज २ फाल्गुन ।
बीरगंज महानगरपालिका वार्ड नं ३१ बस्ने मुहम्मद औरगंजेब अंसारीले सूचना माग्दा समिर आलमले फोन मार्फत धमक्याएका छन् ।

अंसारीले सूचनाको हक सम्बन्धि ऐन २०६४ अनुसार विरगंज महानगरपालिका, श्रीपुर पावर हाउस स्थित सिद्धार्थ माध्यामिक विद्यालयका प्रधानध्यापक राजेश पाण्डेलाई सूचना उपलब्ध गराइपाउँ भनि चिठ्ठी पठाएका थिए । नेपालको संबिधान २०७२ को धारा २७ बमोजिम कुनै पनि सरकारी कार्यालयहरुबाट सूचना माग्न र पाउने हकलाइ मौलिक हक भनिएको हुदा पनि अन्सारीले सूचना माग गर्दै चिठी पठाएका हुन ।

तर आलमले अन्सारीलाई बिद्यालयका प्रअ पाण्डेलाई त्यस्तो प्रकारको चिठ्ठी किन पठाएको भन्दै फोनमार्फत गालीगलौच गरेको अन्सारीले बताए। अन्सारीले उक्त कार्यालयबाट शिक्षकको लगत, हालसम्मको आर्थिक हिसाब किताव लगायत आठ बुँदे विभिन्न सूचनाको माग सहित पत्र पठाएको बताए ।

अंसारीले मिति २०७३ /०९/२८ गतेका दिन उक्त कार्यालयका सूचना अधिकारीको नाममा पठाएको चिठ्ठीको कुनै जवाब नपाएपछि सूचना उपलब्ध नगराउने सूचना अधिकारि उपर कारवाही गरिपाउ भन्ने माग गरेको सूचना कार्यालय प्रमुखले उपलब्ध गराई दिने सम्बन्धमा मिति २०७४/१०/१२ गतेका दिन पठाएका थिए ।

नेपालको संबिधान २०७२ को धारा २७ बमोजिम आफ्नो सरोकारको बिषयको सूचना माग्ने र सार्वजनिक कार्यालयले स्वत सूचना माग कर्तालाई दिने मौलिक हक रहेको कुरा थाहा हुदाहुदै पनि आइतबार राति १०.१९ मिनटमा ९८६१५८०९९४ नम्बरले समिर आलम नाम भएको व्यक्तिले अन्सारीलाई फोन गरि ज्यान मार्ने धम्कि दिए । धम्की आएपनि अन्सारीले आफ्नो मौलिक हकको पालना गर्दै उक्त कार्यालयका सूचना लिएर नै छाड्ने प्रतिबदता गरेका बताए।